Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN MARSO 2014

Sabat sa mga Pamangkot sa Biblia

Sabat sa mga Pamangkot sa Biblia

Paano kita nakabenepisyo sa kamatayon ni Jesus?

Sang gintuga sang Dios ang tawo, katuyuan niya nga mabuhi sila sing dayon sa duta nga wala sing pag-antos kag kamatayon. Pero, ginsupak sang una nga tawo nga si Adan ang Manunuga amo nga nadula niya ang kahigayunan nga mabuhi sing dayon. Bilang mga kaliwat ni Adan, napanubli naton ang kamatayon halin sa iya. (Roma 5:8, 12; 6:23) Gani, ginpadala sang matuod nga Dios nga si Jehova ang iya Anak nga si Jesus sa duta para mapatay kag mapasag-uli ang nadula ni Adan.—Basaha ang Juan 3:16.

Napatay si Jesus para makatigayon kita sang kabuhi nga wala sing katapusan. Ano ayhan ang mangin kahimtangan mo kon may kabuhi ka na nga wala katapusan sa duta?

Napatawad ang aton mga sala kag sarang kita mabuhi sing wala katapusan tungod sa kamatayon ni Jesus. Ginahatagan kita sang ideya sang Biblia kon ano ang mangin kabuhi naton sa duta kon wala na sing pagtigulang, balatian, kag kamatayon.—Basaha ang Isaias 25:8; 33:24; Bugna 21:4, 5.

Paano naton dapat dumdumon ang kamatayon ni Jesus?

Sang gab-i antes napatay si Jesus, ginsilingan niya ang iya mga disipulo nga dumdumon ang iya kamatayon paagi sa isa ka simple nga okasyon. Paagi sa pagsaulog sang kamatayon ni Jesus sa amo man nga paagi kada tuig, mapamalandungan naton ang gugma ni Jesus kag ni Jehova para sa katawhan.—Basaha ang Lucas 22:19, 20; 1 Juan 4:9, 10.

Sa sini nga tuig, ang Memoryal sang kamatayon ni Jesus saulugon sa Lunes, Abril 14, pagtunod sang adlaw. Ginaagda ka sang mga Saksi ni Jehova nga magtambong sa sini.—Basaha ang Roma 1:11, 12.

Magtuon sing Dugang Pa

Memoryal sang Kamatayon ni Jesus

Kada tuig, minilyon ang nagatipon para selebrahon ang anibersaryo sang kamatayon ni Jesus. Ginaagda ka namon nga hibaluon kon paano ining importante nga okasyon nagaapektar sa imo.

Sin-o si Jesucristo?

Tun-i kon ngaa si Jesus ang ginsaad nga Mesias, kon diin sia naghalin, kag kon ngaa sia ang bugtong nga Anak ni Jehova.

Ang Gawad—Ang Pinakabilidhon nga Regalo sang Dios

Ano ang gawad? Paano ka makabenepisyo sa sini?