Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Ang Lalantawan  |  Pebrero 2014

Sabat sa mga Pamangkot sa Biblia

Sabat sa mga Pamangkot sa Biblia

Ang Biblia bala Pulong gid sang Dios?

Ginapaabot mo nga pinasahi ang Pulong sang Dios, kag amo gid sini ang Biblia. Binilyon ka kopya sini ang naimprinta na sa ginatos ka lenguahe. Ang kaalam sa Biblia may gahom nga bag-uhon ang mga tawo nga mangin maayo.—Basaha ang 1 Tesalonica 2:13; 2 Timoteo 3:16.

Nahibaluan naton nga ang Biblia halin sa Dios bangod sibu nga ginasugid sini ang parte sa palaabuton. Indi ini mahimo sang bisan sin-o nga tawo. Halimbawa, binagbinaga ang tulun-an sang Isaias. Nakit-an ang kopya sini nga ginhimo sobra isa ka siglo antes matawo si Jesus sa kueba malapit sa Patay nga Dagat. Nagasiling ini nga ang siudad sang Babilonia indi na pagpuy-an. Natabo gid ini mga pila ka tuig pagkatapos sang ministeryo ni Jesus sa duta.—Basaha ang Isaias 13:19, 20; 2 Pedro 1:20, 21.

Paano ginsulat ang Biblia?

Ang Biblia ginsulat sa sulod sang mga 1,600 ka tuig. Ang mga 40 ka manunulat sini nagsunod sang isa ka tema nga wala nagasumpakilay sa isa kag isa. Ngaa nangin posible ini? Bangod gingiyahan sila sang Dios.—Basaha ang 2 Samuel 23:2.

Kon kaisa nagapakighambal ang Dios sa manunulat sang Biblia paagi sa mga anghel, palanan-awon, ukon damgo. Sa masami, ginabutang sang Dios ang iya ideya sa hunahuna sang manunulat kag ginatugutan sia nga magpili sang iya kaugalingon nga tinaga sa pagpahayag sang mensahe sang Dios.—Basaha ang Bugna 1:1; 21:3-5.

 

Magtuon sing Dugang Pa

Ano Gid ang Ginatudlo sang Biblia?

Ang Biblia—Libro Halin sa Dios

Paano makabulig sa imo ang Biblia nga maatubang ang imo mga problema? Ngaa makasalig ka sa mga tagna sini?