Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN DISIEMBRE 2013

Sabat sa mga Pamangkot sa Biblia

Sabat sa mga Pamangkot sa Biblia

Ano ang katuyuan sang pagbalik sang Cristo?

Antes magkayab si Jesucristo sa langit sang 33 C.E., nagsaad sia nga mabalik. Ginpaanggid niya ang iya kaugalingon sa isa ka dungganon nga tawo nga naglakbay sa malayo kag magabalik agod maggahom bilang hari. Ang katuyuan sang pagbalik ni Jesus amo ang paghatag sa katawhan sing maayo nga gobierno.Basaha ang Lucas 19:11, 12.

Si Jesus amo ang magadala sing maayo nga gobierno sa katawhan

Ano ang lawas sang Cristo pagbalik niya? Ginbanhaw sia bilang indi makita nga espiritu nga persona. (1 Pedro 3:18) Dayon nagpalangit sia kag naglingkod sa tuo sang Dios. (Salmo 110:1) Sang ulihi, gindala si Jesus sa atubang ni Jehova nga Dios, ang “Dumaan sang mga Adlaw,” nga naghatag sa iya sang gahom para dumalahan ang katawhan. Gani si Jesus magabalik, indi subong tawo, kundi bilang isa ka indi makita nga Hari.Basaha ang Daniel 7:13, 14.

Ano ang himuon ni Jesus kon mag-abot sia?

Kon mag-abot si Jesus nga indi makita upod sa iya mga anghel, hukman niya ang katawhan. Laglagon niya ang mga malaut, pero hatagan niya sing wala katapusan nga kabuhi ang magabaton sa iya bilang Hari.Basaha ang Mateo 25:31-33, 46.

Kon mangin Hari na si Jesus mangin paraiso ang duta. Banhawon niya ang mga patay para magkabuhi sila sing malipayon sa Paraiso nga duta.Basaha ang Lucas 23:42, 43.