Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN AGOSTO 2013

Sabat sa mga Pamangkot sa Biblia

Sabat sa mga Pamangkot sa Biblia

Ginapamatian bala sang Dios ang tanan nga pangamuyo?

Nagapamati ang Dios sa tanan nga tawo. (Salmo 145:18, 19) Nagsiling ang iya Pulong, ang Biblia, nga isugid naton sa iya ang tanan naton nga ginakabalak-an. (Filipos 4:6, 7) Pero wala nalipay ang Dios sa iban nga pangamuyo. Halimbawa, wala sia nanamian sa sulitsulit nga pangamuyo.—Basaha ang Mateo 6:7.

Wala man nalipay si Jehova sa pangamuyo sang mga hungod nga nagalapas sang iya mga sugo. (Hulubaton 28:9) Halimbawa, sang panahon sang Biblia, wala ginpamatian sang Dios ang mga Israelinhon nga napamatud-an nga nagpatay. Maathag nga dapat naton himuon ang mga ginapatuman sang Dios para pamatian niya kita.—Basaha ang Isaias 1:15.

Ano ang himuon naton para pamatian kita sang Dios?

Indi kita makapalapit sa Dios paagi sa pangamuyo kon wala kita sing pagtuo. (Santiago 1:5, 6) Dapat kumbinsido kita nga may Dios gid kag nagaulikid sia sa aton. Mapabakod naton ang aton pagtuo paagi sa pagtuon sang Biblia kay ang pagtuo nabase sa mga ebidensia kag pamatuod nga makita sa Pulong sang Dios.—Basaha ang Hebreo 11:1, 6.

Dapat kita mangin sinsero kag mapainubuson kon nagapangamuyo. Bisan si Jesus nga Anak sang Dios, mapainubuson kon nagapangamuyo. (Lucas 22:41, 42) Gani, imbes nga tudluan ang Dios kon ano ang himuon, dapat naton hangpon ang iya mga ginapatuman paagi sa pagbasa sing Biblia. Dayon makapangamuyo kita suno sa katuyuan sang Dios.—Basaha ang 1 Juan 5:14.

Magtuon sing Dugang Pa

Mangin Malapit sa Dios Paagi sa Pangamuyo

Nagapamati bala ang Dios kon mangamuyo ka? Para masabat ini, dapat nga maintiendihan mo ang ginatudlo sang Biblia parte sa pangamuyo.