Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

ANG LALANTAWAN MAYO 2013

 MANGIN SUOD SA DIOS

Nagaulikid Gid Bala si Jehova sa Imo?

Nagaulikid Gid Bala si Jehova sa Imo?

“Ang pagbatyag nga wala sing pulos amo sa banta ko ang pinakadaku nga balagbag nga dapat ko atubangon.” Amo sini ang ginsiling sang isa ka babayi nga nabudlayan gid nga batunon nga si Jehova magaulikid sa iya. Amo man bala sini ang imo ginabatyag? Kon amo, mahimo mamangkot ka, ‘Nagaulikid gid bala si Jehova sa iya mga sumilimba subong indibiduwal?’ Huo! Makita naton ang ebidensia nga nagaulikid si Jehova sa aton sa mga ginhambal ni Jesus.—Basaha ang Juan 6:44.

Ano ang ginsiling ni Jesus, ang isa nga mas nakahibalo sang mga kinaiya kag katuyuan ni Jehova? (Lucas 10:22) Sia nagpaathag: “Wala sing tawo nga makakari sa akon kon indi sia pagbuyukon sang Amay nga nagpadala sa akon.” Gani, indi kita mangin sumulunod sang Cristo kag sumilimba sang aton Amay sa langit nga si Jehova kon indi kita pagbuyukon mismo ni Jehova. (2 Tesalonica 2:13) Kon mahibaluan naton ang buot silingon ni Jesus, maintiendihan naton nga nagaulikid gid sa aton ang Dios.

Ano ang buot silingon nga si Jehova nagabuyok sa aton? Ang Griego nga tinaga nga gintranslate nga “buyukon” ginagamit man sa pagpatuhoy sa pagbatak sang pukot nga may isda. (Juan 21:6, 11) Ginapilit bala kita ni Jehova nga mag-alagad sa iya? Wala. Ginhatagan kita ni Jehova sing kahilwayan, gani wala niya kita ginapilit nga buksan ang aton tagipusuon. (Deuteronomio 30:19, 20) Ginpaathag ini sang isa ka iskolar paagi sa pagsiling: “Wala sing alabrihan sa gua sang puertahan sang tagipusuon sang tawo. Dapat ini buksan sa sulod.” Ginausisa ni Jehova ang binilyon ka tagipusuon sa sini nga kalibutan, nga ginapangita ang mga may maayo sing panimuot. (1 Cronica 28:9) Kon makita niya ina nga tawo, ginapakig-angutan niya sia sa maayo nga paagi. Paano?

Malulo nga ginaganyat ni Jehova ang tagipusuon sang mga “husto nga nahuyog.” (Binuhatan 13:48) Ginahimo ini ni Jehova sa duha ka paagi—sa mensahe sang Biblia nga maayong balita nga nagalab-ot sa aton subong mga indibiduwal, kag sa iya balaan nga espiritu. Kon makita ni Jehova ang tagipusuon nga mabinatunon sa kamatuoran sang Biblia, ginagamit niya ang iya espiritu para buligan ang indibiduwal nga mahangpan kag maaplikar ang kamatuoran sa iya kabuhi. (1 Corinto 2:11, 12) Kon wala ang bulig sang Dios, indi kita mangin matuod nga mga sumulunod ni Jesus kag matutom nga mga sumilimba ni Jehova.

“Wala sing alabrihan sa gua sang puertahan sang tagipusuon sang tawo. Dapat ini buksan sa sulod”

Gani, ano ang ginatudlo sa aton sang ginsiling ni Jesus sa Juan 6:44 parte kay Jehova nga Dios? Ginabuyok ni Jehova ang mga tawo bangod may nakita sia nga maayo sa ila tagipusuon kag nagaulikid sia sa ila subong indibiduwal. Bangod nahangpan sang babayi nga ginsambit sa umpisa ini nga kamatuoran, nalugpayan sia. Nagsiling sia: “Ang pinakadaku nga pribilehiyo nga maangkon sang isa amo ang mangin alagad ni Jehova. Kag kon ginpili ako ni Jehova nga mangin iya alagad, ginapakita sini nga importante gid ako sa iya.” Kamusta sa imo bahin? Ang paghibalo bala nga nagaulikid si Jehova sa iya mga sumilimba subong indibiduwal nagapahulag sa imo nga buksan ang puertahan sang imo tagipusuon?

Bahin sang Biblia nga mahimo basahon sa Mayo

Lucas 22-24Juan 1-16

 

 

Magtuon sing Dugang Pa

Mangin Suod kay Jehova

Wala sing “Makapahamulag sa Aton sa Gugma sang Dios”

Batui ang kabutigan nga indi ka mahigugma ukon wala ka sing pulos sa Dios.