Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN ABRIL 2013

Sabat sa mga Pamangkot sa Biblia

Sabat sa mga Pamangkot sa Biblia

Posible bala nga maintiendihan ang Biblia?

Ang Biblia Pulong sang Dios. Pareho ini sa isa ka sulat halin sa mahigugmaon nga amay. (2 Timoteo 3:16) Sa Biblia, ginapaathag sang Dios kon paano naton sia mapahamut-an, kon ngaa ginatugutan niya ang kalautan, kag kon ano ang himuon niya sa katawhan sa palaabuton. Pero ginpatiko sang mga manunudlo sang relihion ang ginatudlo sang Biblia; bangod sini, madamo ang nagahunahuna nga indi na gid nila ini maintiendihan.Binuhatan 20:29, 30.

Gusto ni Jehova nga Dios nga mahibaluan naton ang kamatuoran parte sa iya. Gani, ginhatagan niya kita sang libro nga posible maintiendihan.—Basaha ang 1 Timoteo 2:3, 4.

Paano mo maintiendihan ang Biblia?

Wala lang kita ginhatagan ni Jehova sang Biblia, kundi nag-aman man sia sa aton sing bulig para maintiendihan ini. Ginpadala niya si Jesus para magtudlo sa aton. (Lucas 4:16-21) Ginbuligan ni Jesus ang iya mga tagpalamati nga maintiendihan ang Kasulatan, nga ginapatuhuyan ang isa ka teksto pagkatapos sang isa ka teksto.—Basaha ang Lucas 24:27, 32, 45.

Gintukod ni Jesus ang Cristiano nga kongregasyon para padayunon ang hilikuton nga gin-­umpi­sahan niya. (Mateo 28:19, 20) Subong, ginabuligan sang matuod nga mga sumulunod ni Jesus ang mga tawo nga maintiendihan ang ginatudlo sang Biblia parte sa Dios. Kon gusto mo maintiendihan ang Biblia, nalipay ang mga Saksi ni Jehova nga buligan ka.—Basaha ang Binuhatan 8:30, 31.

 

Magtuon sing Dugang Pa

Ang Biblia—Libro Halin sa Dios

Paano makabulig sa imo ang Biblia nga maatubang ang imo mga problema? Ngaa makasalig ka sa mga tagna sini?

Bulig Agod Mahangpan ang Biblia

Kon ang Biblia ginsulat agod mahangpan, nga kinahanglan mo ang bulig agod mahangpan ini?