Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN MARSO 2013

Sabat sa mga Pamangkot sa Biblia

Sabat sa mga Pamangkot sa Biblia

Ngaa gintawag si Jesus nga Anak sang Dios?

Ang Dios wala sing literal nga asawa para mangin amay sia sang kabataan. Sia ang Manunuga sang tanan nga tinuga nga may kabuhi. Ang mga tawo gintuga nga may ikasarang sa pag-ilog sang mga kinaiya sang Dios. Amo kon ngaa ang una nga tawo nga gintuga sang Dios, si Adan, gintawag nga “anak sang Dios.” Sing kaanggid, si Jesus gintawag nga “Anak sang Dios” bangod gintuga sia nga may mga kinaiya nga pareho sa iya Amay.—Basaha ang Lucas 3:38; Juan 1:14, 49.

San-o gintuga si Jesus?

Gintuga sang Dios si Jesus antes niya gintuga si Adan. Ang matuod, gintuga sang Dios si Jesus kag gingamit sia sa paghimo sang iban pa nga butang, lakip ang mga anghel. Amo kon ngaa gintawag sang Biblia si Jesus nga “ang panganay sa tanan nga tinuga” sang Dios.—Basaha ang Colosas 1:15, 16.

Antes sia ginbun-ag sa Betlehem, nagkabuhi na si Jesus bilang espiritu nga tinuga sa langit. Sang ulihi, ginsaylo sang Dios ang kabuhi ni Jesus halin sa langit pakadto sa taguangkan ni Maria para mabun-ag sia bilang tawo.—Basaha ang Lucas 1:30-32; Juan 6:38; 8:23.

Ngaa kinahanglan matawo si Jesus sa duta? Ano nga pinasahi nga papel ang gintungdan ni Jesus? Makita mo ang sabat sa Biblia. Magabulig ini sa imo nga mahangpan sing labi pa kag maapresyar ang ginhimo sang Dios kag ni Jesus para sa imo.

 

 

Magtuon sing Dugang Pa

Sin-o si Jesucristo?

Tun-i kon ngaa si Jesus ang ginsaad nga Mesias, kon diin sia naghalin, kag kon ngaa sia ang bugtong nga Anak ni Jehova.