Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN PEBRERO 2013

 TOPIKO SA KOBER: ANG MATUN-AN NATON KAY MOISES

Sin-o si Moises?

Sin-o si Moises?

Ano ang madumduman mo kon mabatian mo ang ngalan ni Moises? Ginahunahuna mo bala sia bilang . . .

  • lapsag nga gintago sang iya iloy sa basket sa Suba Nilo?
  • bata nga ginpadaku sang manggaranon nga bata nga babayi sang Paraon sang Egipto, pero wala nagkalipat nga Israelinhon sia?
  • manugbantay sang karnero sa Midian sa sulod sang 40 ka tuig?
  • tawo nga nakigsugilanon kay Jehova * sa atubangan sang nagadabdab nga sapinit?
  • tawo nga nag-atubang sa hari sang Egipto kag maisog nga nagsiling nga hilwayon ang mga Israelinhon sa pagkaulipon?
  • tawo nga ginsugo sang Dios nga magpahayag sang Napulo ka Kalalat-an sa Egipto sang namatok ang hari sini sa matuod nga Dios?
  • tawo nga nanguna sa mga Israelinhon pagua sa Egipto?
  • tawo nga gingamit sa pagtunga sang Pula nga Dagat?
  • tawo nga naghatag sa mga Israelinhon sang Napulo ka Sugo halin sa Dios?

INDI lang ini ang mga naeksperiensiahan ni Moises. Indi katingalahan nga ining matutom nga tawo ginarespeto gid sang mga Cristiano, Judiyo, kag mga Muslim!

Maathag nga sia ang propeta nga naghimo sang “makatilingala nga mga butang.” (Deuteronomio 34:10-12, Ang Pulong sang Dios, APD) Nagpasugot sia nga gamiton sang Dios sa paghimo sang dalagku nga mga butang. Pero ordinaryo lang sia nga tawo. Pareho sa iban nga propeta, si Moises “may balatyagon kaangay sang aton.” (Santiago 5:17) Pareho man ang iya mga problema sa aton, pero nasolusyonan niya ini.

Gusto mo bala mahibal-an kon paano niya ini nahimo? Binagbinaga ang tatlo niya ka maayo nga kinaiya kag kon ano ang matun-an naton sa iya halimbawa.

^ par. 7 Si Jehova ang ngalan sang Dios sa Biblia. Sa Maayong Balita nga Biblia, ang footnote sang Genesis 2:4 nagasiling: “Ang GINOO sa Hebreo nga teksto Yahweh. Sa iban nga pagbadbad ginagamit ang Jehova.”