Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN DISIEMBRE 2011

Ginasilutan Bala Kita sang Dios?

Ginasilutan Bala Kita sang Dios?

 Ginasilutan Bala Kita sang Dios?

“Naluoy gid ako sa mga biktima sang kalamidad, pero para sa akon silot ini sang Dios,” siling sang isa ka kilala nga pulitiko sa Japan sa tapos gin-igo sang 9.0 nga linog kag sang tsunami ang ila pungsod sang Marso 2011.

Sang sobra sa 220,000 ka tawo ang napatay sa linog sa Haiti sang Enero 2010, ang isa ka kilala nga televangelist nagsiling nga natabo ini bangod ang mga tawo “nanumpa sa yawa” kag dapat sila “magbalik sa dios.”

“Ginapabugtaw sang Dios ang aton nagakatulog kag nakibulan nga konsiensia,” siling sang pari nga Katoliko sang 79 ka tawo ang napatay sa stampede sa Manila. Suno sa isa ka pamantalaan, “beinte-uno porsiento sang mga adulto ang nagapati nga ginapabatyag sang Dios ang iya kaakig paagi sa mga landslide, bagyo kag iban pa nga kalamidad” nga pirme nagahalit sa Pilipinas.

MADUGAY na nga ginapatihan sang mga tawo nga ang mga trahedya ukon kalamidad silot sang Dios sa mga malain. Sang 1755, sang mga 60,000 ka tawo ang napatay sa linog, sunog, kag tsunami sa Lisbon, Portugal, ang kilala nga pilosopo nga si Voltaire namangkot: “Madamo bala sing bisyo sa Lisbon, sangsa Paris, nga lapnag ang pagpangalipay?” Matuod, minilyon ang nagapalibog kon bala ginagamit sang Dios ang mga kalamidad para silutan ang mga tawo. Sa madamo nga pungsod, ang mga kalamidad ginakabig nga kahimuan sang Dios.

Bangod sini, dapat kita mamangkot: Matuod bala nga ginagamit sang Dios ang mga kalamidad para silutan ang mga tawo? Ang mga kalamidad bala sining karon lang silot sang Dios?

Para may rason nga basulon ang Dios, ginpatuhuyan sang iban ang mga kasaysayan sa Biblia diin gingamit sang Dios ang kinaugali nga mga puersa sa paglaglag. (Genesis 7:17-22; 18:20; 19:24, 25; Numeros 16:31-35) Pero kon usisaon naton ini nga mga kasaysayan, may tatlo ka butang kita nga matun-an. Una, antes sang mga kalamidad, may paandam. Ikaduha, indi pareho sang mga kalamidad subong nga nagapatay sa mga maayo kag malain, ang kalaglagan halin sa Dios nagpatay lamang sa mga malaut ukon sa mga wala nagpamati sa mga paandam. Ikatlo, ginluwas sang Dios ang mga matarong.—Genesis 7:1, 23; 19:15-17; Numeros 16:23-27.

Wala sing ebidensia nga ang madamo nga kalamidad nga nagahalit sa minilyon subong naghalin sa Dios. Kon amo, ngaa kadamo sang kalamidad? Paano naton ini atubangon? Kag maabot pa bala ang tion nga madula na ang mga kalamidad? Sabton ini sa masunod nga mga artikulo.