Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

ANG LALANTAWAN AGOSTO 2010

 Pamangkot sang mga Bumalasa . . .

May Palareho Bala nga Kahigayunan ang Tanan nga Makilala ang Dios?

May Palareho Bala nga Kahigayunan ang Tanan nga Makilala ang Dios?

Sang ginpamangkot si Jesus kon ano ang pinakadaku nga sugo, sia nagsiling: “Higugmaon mo si Jehova nga imo Dios sa bug-os mo nga tagipusuon kag sa bug-os mo nga kalag kag sa bug-os mo nga hunahuna.” (Mateo 22:37) Pero antes ini mahimo sang mga tawo, dapat magkuha sila anay sing sibu nga ihibalo parte sa Dios. (Juan 17:3) May palareho bala nga kahigayunan ang tanan nga matigayon ini nga ihibalo?

Ang Biblia amo ang panguna nga tuburan sang ihibalo parte sa Dios. (2 Timoteo 3:16) Madamo na karon ang may Biblia. Mahimo makapila na sila gintanyagan nga magtuon sa Biblia para makakuha sing sibu nga ihibalo parte sa Dios. (Mateo 28:19) Ang iban naman ginpadaku sang Cristiano nga mga ginikanan nga nagtudlo sa ila parte sa Dios.—Deuteronomio 6:6, 7; Efeso 6:4.

Pero ang iban nagdaku sa mabudlay nga kahimtangan. Ang pila sa ila naghalin sa malain nga pamilya nga wala ginapalangga sang ila ginikanan. (2 Timoteo 3:1-5) Bangod sini, mahimo nga mabudlayan sila sa pagpati nga ang Dios mahigugmaon nga Amay. Madamo man ang kulang sing tinun-an amo nga nabudlayan sila sa pagbasa sang Biblia. Ang iban naman gintudluan sang butig nga mga doktrina ukon gindumilian sang ila pamilya, komunidad, ukon pungsod nga magtuon sa Biblia. (2 Corinto 4:4) Bangod amo sini ang ila kahimtangan, wala na bala sila sing kahigayunan nga magtuon parte sa Dios kag higugmaon sia?

Ginbaton ni Jesus nga mabudlayan ang pila ka tawo nga higugmaon kag tumanon ang Dios bangod sa ila kahimtangan. (Mateo 19:23, 24) Pero ginpahanumdom ni Jesus ang iya mga disipulo nga bisan pa may pila ka kabudlayan nga daw indi masarangan sang mga tawo, “sa Dios ang tanan nga butang posible.”—Mateo 19:25, 26.

Binagbinaga ini: Ginsiguro ni Jehova nga Dios nga ang iya Pulong, ang Biblia, amo ang mangin pinakalapnag nga napanagtag nga libro halin sang una. Gintagna sang Biblia nga ang maayong balita parte sa Dios kag sa iya katuyuan sa duta iwali sa “bug-os napuy-an nga duta.” (Mateo 24:14) Ginawali subong sang mga Saksi ni Jehova inang maayong balita sa sobra 230 ka kadutaan. Nagahimo man sila sing mga literatura parte sa Biblia sa sobra 500 ka lenguahe. Pero ang mga tawo nga wala sing Biblia madamo gihapon sing matun-an parte sa matuod nga Dios kon obserbahan nila ang iya mga tinuga.—Roma 1:20.

Ang Pulong sang Dios nagsiling man: “Nakita sang GINOO ang tagsa ka tagipusuon kag nahibaluan niya ang aton motibo kag panghunahuna. Kon magdangop ka sa iya, buligan ka niya.” (1 Cronica 28:9, APD) Gani bisan pa wala nagpromisa si Jehova nga ang kada isa makabaton sing palareho nga kahigayunan, ginpat-od niya nga makilala gid sia sang sinsero nga mga tawo. Siguraduhon man niya nga ang wala mahatagan sing kahigayunan nga makilala sia pagabanhawon sa matarong nga bag-ong kalibutan.—Binuhatan 24:15.

Magtuon sing Dugang Pa

MAAYONG BALITA HALIN SA DIOS!

Paano Mo Mahibaluan ang Matuod nga Pagsimba?

Isa lamang bala ang matuod nga relihion? Binagbinaga ang lima ka palatandaan nga nagapakilala sang matuod nga pagsimba.