Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN NOBIEMBRE 2009

Panudlo 3: Ang Tanan nga Maayo nga Tawo Mapalangit

Panudlo 3: Ang Tanan nga Maayo nga Tawo Mapalangit

Diin ini naghalin?

Sang mapatay ang mga apostoles ni Jesus, ang mga Amay sang Simbahan amo na ang may daku nga impluwensia sa doktrina sang Cristianismo sugod sang ikaduha nga siglo C.E. Ang New Catholic Encyclopedia (2003), Volume 6, pahina 687, nagkomento sa ila mga panudlo: “Ginatudlo nila nga kon mapatay ang isa, ang iya kalag nagagua sa lawas kag nagakadto sa langit sa tapos nga matinluan sia sa iya mga sala.”

Ano ang ginasiling sang Biblia?

“Malipayon ang mga malulo, kay magapanubli sila sang duta.”Mateo 5:5.

Bisan pa ginsaaran ni Jesus ang iya mga disipulo nga ‘magahanda sia sang duog’ para sa ila sa langit, ginpakita niya nga indi tanan nga matarong mapalangit. (Juan 3:13; 14:2, 3) Indi bala nga nangamuyo sia nga ang kabubut-on sang Dios matuman “sa duta, subong sang sa langit”? (Mateo 6:9, 10) Ang matuod, may duha ka paglaum ang mga matarong. Ang pila sa ila magagahom upod kay Cristo sa langit, pero ang kalabanan magakabuhi sing walay katapusan sa duta.—Bugna 5:10.

Sang ulihi, nagbag-o ang pagtamod sang simbahan sa ila papel sa duta. Ano ang resulta sini? “Amat-amat nga ginbuslan sang simbahan ang papel sang Ginharian sang Dios,” siling sang The New Encyclopædia Britannica. Ginpabakod sang simbahan ang ila gahom kag impluwensia paagi sa pag-entra sa pulitika. Wala nila gintuman ang ginsiling ni Jesus sa iya mga sumulunod nga dapat “indi [sila] bahin sang kalibutan.” (Juan 15:19; 17:14-16; 18:36) Bangod sa impluwensia sang Romanong Emperador nga si Constantino, gin-islan sang simbahan ang pila nila ka panudlo. Ang isa sa sini may kaangtanan sa kon ano gid ang Dios.

Basaha ini nga mga teksto: Salmo 37:10, 11, 29; Juan 17:3; 2 Timoteo 2:11, 12

ANG KAMATUORAN:

Ang kalabanan sa maayo nga tawo magakabuhi sing walay katapusan sa duta, indi sa langit

 

Magtuon sing Dugang Pa

Ano ang Nagakatabo Pagkatapos sang Kamatayon?

Mabasa sa Biblia ang kasaysayan sang walo ka tawo nga ginbanhaw. Ano ang ila ginsiling tuhoy sa kabuhi pagkatapos sang kamatayon?

Kabuhi sa Ginpasag-uli nga Paraiso

Paano mapasag-uli ang paraiso kag ano ang mangin kahimtangan sang kabuhi didto?