Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN NOBIEMBRE 2009

Ang Butig nga Panudlo Nagdul-ong sa Isa Pa ka Butig nga Panudlo

Ang Butig nga Panudlo Nagdul-ong sa Isa Pa ka Butig nga Panudlo

“MAG-ANDAM kamo,” siling ni Pablo sa mga Cristiano sa katapusan nga bahin sang unang siglo C.E. Ngaa? Kay “basi may isa nga magataban sa inyo subong iya natukob paagi sa pilosopiya kag wala pulos nga daya suno sa tradisyon sang mga tawo.”—Colosas 2:8.

Sang tungatunga sang ikaduha nga siglo C.E., ginsunod sang pila ka Cristiano ang mga ideya sang mga pilosopo para ipaathag ang ila mga ginapatihan, bisan pa ginpaandaman na sila ni Pablo sa sini. Ngaa? Luyag nila nga kabigon sila nga maalam sang edukado nga mga tawo sang Emperyo sang Roma, sa amo madamo sila sing makumbertir.

Ang isa sa sining bantog nga Cristiano amo si Justin Martyr. Nagapati sia nga ang Humalambal sang Dios madugay na nga nagpakighambal sa mga Griegong pilosopo antes pa nag-abot si Jesus. Suno kay Justin kag sa mga manunudlo sini nga ideya, ang pilosopiya kag mitolohiya ang rason kon ngaa daku ang nabulig sang Cristianismo sa mga tawo.

Sang gintudlo nila ini, madamo sila sing nakumbertir. Apang, ang isa ka butig nga panudlo nagdul-ong sa isa pa ka butig nga panudlo. Diri nagsugod ang ginatawag sang kalabanan nga doktrina sang mga Cristiano. Para mapamatud-an nga butig ini nga mga panudlo, ipaanggid ang ginasiling sang masunod nga mga reperensia sa kon ano ang ginatudlo sang Biblia.