Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN (TULUN-AN NGA EDISYON) HULYO 2015

Ang Biriya Forest sa Galilea

Nahibaluan Mo Bala?

Nahibaluan Mo Bala?

May mga kagulangan bala sa Israel sang una subong sang ginasiling sang Biblia?

GINASILING sang Biblia nga ang pila ka lugar sa Ginsaad nga Duta may mga kagulangan kag ‘madamo’ nga kahoy. (1 Hari 10:27; Jos. 17:15, 18) Pero ginaduhaduhaan ini sang iban bangod kalbo na ang malapad nga duta didto subong.

Pungpong sang igos

Ginpaathag sang libro nga Life in Biblical Israel nga “mas malapad ang mga kagulangan sa Israel sang una.” Nagapamuhi sa mga bukid ang Aleppo pine (Pinus halepensis), evergreen oak (Quercus calliprinos), kag terebinth (Pistacia palaestina). Madamo sang kahoy nga higuera (Ficus sycomorus) sa Sepela, ang lugar nga nagalakip sang mga pukatod sa ulot sang Mediterranean Coast kag sang kabukiran sa tunga sang pungsod.

Ginsiling sang libro nga Plants of the Bible nga wala na gid sing kahoy sa pila ka lugar sa Israel subong. Ngaa natabo ini? Ginpaathag sini nga libro nga amat-amat ini nga natabo: “Padayon nga ginahilabtan sang mga tawo ang pagtubo sang mga tanom, para mapasangkad ang iya ginapangumhan kag ginapahalban, kag para man makakuha sang materyales nga gamiton sa pagpanukod kag inuggatong.”