Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Ang Lalantawan—Tulun-an nga Edisyon  |  Hulyo 2013

Bag-o nga Miembro sang Nagadumala nga Hubon

Bag-o nga Miembro sang Nagadumala nga Hubon

Sang Mierkoles sang aga, Septiembre 5, 2012, ginpahibalo sa pamilya Bethel sa Estados Unidos kag Canada nga may gindugang nga miembro sang Nagadumala nga Hubon sang mga Saksi ni Jehova. Sugod sa Septiembre 1, 2012, si Mark Sanderson magaalagad subong miembro sang Nagadumala nga Hubon.

Si Brother Sanderson ginpadaku sang iya Cristianong mga ginikanan sa San Diego, California, U.S.A., kag nabawtismuhan sang Pebrero 9, 1975. Nagpayunir sia sa Saskatchewan, Canada, sang Septiembre 1, 1983. Sang Disiembre 1990, naggradweyt sia sa ikapito nga klase sang Ministerial Training School (ginatawag karon nga Bible School for Single Brothers) sa Estados Unidos. Si Brother Sanderson gin-asayn nga espesyal payunir sa isla sang Newfoundland, Canada, sang Abril 1991. Nag-alagad man sia subong tal-us nga manugtatap sang sirkito, dayon gin-agda nga mangin katapo sang pamilya Bethel sa Canada sang Pebrero 1997. Sang Nobiembre 2000, ginsaylo sia sa sanga talatapan sa Estados Unidos, sa diin nag-alagad sia sa Hospital Information Services kag sang ulihi sa Service Department.

Sang Septiembre 2008, si Brother Sanderson nag-eskwela sa School for Branch Committee Members kag dayon gintangdo subong miembro sang Komite sang Sanga sa Pilipinas. Sang Septiembre 2010, ginpabalik sia sa Estados Unidos, diin nag-alagad sia subong kabulig sang Service Committee sang Nagadumala nga Hubon.