Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN (TULUN-AN NGA EDISYON) ABRIL 2013

Nahibaluan Mo Bala?

Nahibaluan Mo Bala?

Gintukod bala liwat ang templo sa Jerusalem pagligad sang 70 C.E.?

SI Jesus nagsiling nga wala sing isa ka bato sa templo ni Jehova ang mabilin nga nagatindog sa ibabaw sang isa ka bato—ang tagna nga natuman sang 70 C.E. sang ginlaglag ang Jerusalem sang Romano nga hangaway sa pagpanguna ni Tito. (Mat. 24:2) Sang ulihi, si Emperador Julian nagplano nga patindugon liwat ang templo.

Si Julian amo ang katapusan nga pagano nga emperador sang Roma. Hinablos sia ni Constantino nga Daku kag nakabaton sang ginatawag nga Cristianong edukasyon. Pero sa tapos sia nga naproklamar subong emperador sang 361 C.E., dayag niya nga ginsikway ina nga edukasyon kag ang malaut nga Cristiandad sang iya panahon kag ginpaboran ang paganismo. Gintawag sia sang mga libro sa kasaysayan subong “Apostata.”

Naakig si Julian sa Cristianismo. Mahimo nga ang isa ka rason amo nga sang seis anyos sia, nakita niya nga ginpatay ang iya amay kag mga paryente sang mga representante sini. Si Julian, suno sa istoryador sang simbahan, nagpalig-on sa mga Judiyo nga patindugon liwat ang templo, kay nagapati sia nga paagi sa sini, mapamatud-an nga butig nga manalagna si Jesus. *

Wala ginduhaduhaan ang plano ni Julian nga pagpatindog liwat sang templo. Pero gindebatehan sang mga istoryador kon bala ginsugdan gid man ang pagpatindog, kag kon ginsugdan niya ini, ngaa wala ini napadayon. Apang isa lang ang sigurado. Si Julian ginpatay wala pa duha ka tuig sa tapos sia nangin emperador, kag ang iya proyekto naalimunaw upod sa iya.

Ang posible nga itsura sang templo sang adlaw ni Jesus, nga nabutang sa lugar sini

^ par. 5 Wala nagsiling si Jesus nga indi na gid pagpatindugon liwat ang templo kundi nga marumpag ini, nga natabo sang 70 C.E.