Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN (TULUN-AN NGA EDISYON) NOBIEMBRE 2012

Mapun-an sang Ila Sobra ang Kakulangan

Mapun-an sang Ila Sobra ang Kakulangan

SANG 49 C.E., sanday Pedro, Santiago, kag Juan—“nga ginakilala nga mga haligi”—naghatag kay apostol Pablo kag sa iya kaupod nga si Bernabe sing isa ka asaynment. Dapat nila dumdumon ang mga imol samtang nagabantala sila sa mga pungsod. (Gal. 2:9, 10) Paano nila ini natuman?

Makita sa mga sulat ni Pablo kon ano ang iya ginhimo. Halimbawa, ginsulatan niya ang mga Cristiano sa Corinto: “Tuhoy sa pagpangolekta para sa mga balaan, subong sang ginsugo ko sa mga kongregasyon sa Galacia, amo man ang himuon ninyo. Sa kada una nga adlaw sang semana ang kada isa sa inyo sa iya balay magpain sang bisan pila nga matipon suno sa iya kabuganaan, agod kon mag-abot ako indi na magpangolekta. Apang kon mag-abot ako dira, kon sin-o nga mga lalaki ang ginarekomendar ninyo paagi sa mga sulat, ipadala ko sila agod magdala sang inyo maayo nga dulot sa Jerusalem.”—1 Cor. 16:1-3.

Sa iya ikaduha nga sulat sa Corinto, ginsulit ni Pablo ang katuyuan sang pagpangolekta. Sia nagsulat: “Paagi sa pag-alalangay mapun-an sang inyo sobra sa karon ang ila kakulangan.”—2 Cor. 8:12-15.

Sang nagsulat si Pablo sa mga Cristiano sa Roma sang mga 56 C.E., halos natapos na ang pagpangolekta. Nagsiling sia: “Karon buot ako maglakbay pakadto sa Jerusalem agod mag-alagad sa mga balaan. Kay ang mga yara sa Macedonia kag Acaya nahamuot sa pagpaambit sang ila mga pagkabutang paagi sa pag-amot para sa mga imol nga mga balaan sa Jerusalem.” (Roma 15:25, 26) Wala madugay pagkatapos sadto, natuman ni Pablo ang iya asaynment kay sang nagbalik sia sa Jerusalem kag gindakop didto, ginsilingan niya ang Romano nga gobernador nga si Felix: “Nagkadto ako sa pagdala sa akon pungsod sing mga dulot tungod sa kaluoy, kag mga halad.”—Binu. 24:17.

Ang panimuot sang unang siglo nga mga Cristiano makita sa ginsiling ni Pablo sa mga taga-Macedonia. Suno sa iya “nagpadayon sila sa pagpangabay sa amon nga may daku nga pagpakiluoy nga makatigayon sang pribilehiyo sa mainayuhon nga paghatag.” Ginpalig-on ni Pablo ang mga taga-Corinto nga sundon ini nga halimbawa. Nagsiling sia: “Maghimo ang kada isa suno sa ginpamat-od niya sa iya tagipusuon, indi sing paganot ukon ginapilit, kay ginahigugma sang Dios ang nagahatag sing malipayon.” Ngaa nangin maalwan ang mga kongregasyon? Indi lamang “agod ihatag sing bugana ang mga kinahanglanon sang mga balaan kundi agod mangin bugana man sa madamo nga pagpasalamat sa Dios.” (2 Cor. 8:4; 9:7, 12) Mahimo amo man sini ang rason kon ngaa maalwan kita. Pat-od gid nga pakamaayuhon ni Jehova nga Dios inang maayo kag mahinatagon nga panimuot. Ang iya pagpakamaayo amo gid ang nagapamanggad.—Hulu. 10:22.

MGA PAAGI SA PAGHATAG NGA GINPILI SANG IBAN PARA SA BUG-OS KALIBUTAN NGA HILIKUTON

Pareho sang tion ni apostol Pablo, madamo karon ang ‘nagapain’ ukon nagabadyet sang kuarta kag ginahulog ini sa mga donation box sang kongregasyon nga nasulatan sing “Worldwide Work.” (1 Cor. 16:2) Kada bulan, ginapadala ini sang mga kongregasyon sa sanga talatapan sang mga Saksi ni Jehova sa ila pungsod. Mahimo ka man direkta nga makapadala sing donasyon sa legal nga organisasyon nga ginagamit sang mga Saksi ni Jehova sa inyo pungsod. Para mahibaluan ang ngalan sining legal nga organisasyon sa inyo pungsod, palihug kontaka ang sanga talatapan. Ang adres sang sanga talatapan makita sa www.jw.org. Ang mga donasyon nga mahimo mo ipadala sing direkta amo ang mga masunod:

OUTRIGHT DONATIONS

  • Mga donasyon nga kuarta, alahas, kag iban pa nga malahalon nga pagkabutang.
  • Maglakip sang sulat nga nagasiling nga ang kuarta ukon mga pagkabutang imo gindonar.

CONDITIONAL DONATION ARRANGEMENT

  • Gindonar nga kuarta nga may kondisyon nga puede ibalik kon kinahanglan sang nagdonar.
  • Maglakip sang sulat nga nagasiling nga ang donasyon may kondisyon.

CHARITABLE PLANNING

Magluwas sa direkta nga mga regalo nga kuarta kag malahalon nga pagkabutang, may iban pa nga paagi sang paghatag nga makabulig sa bug-os kalibutan nga pag-alagad sa Ginharian. Ano man nga pamaagi sa pagdonar ang imo gusto, kontaka anay ang sanga talatapan sa inyo pungsod para mahibaluan kon ano nga pamaagi ang puede sa inyo pungsod. Bangod lainlain ang legal nga mga pagsulundan kag kasuguan sa buhis, dapat magkonsulta anay sa mga kalipikado kag may ihibalo parte sa buhis kag legal nga mga pamaagi antes magpili sang pinakamaayo nga paagi sa pagdonar.

Insurance: Mahimo himuon ang organisasyon nga ginagamit sang mga Saksi ni Jehova nga benepisyaryo sang isa ka life insurance policy ukon sang isa ka retirement/pension plan.

Mga Deposito sa Bangko: Ang mga deposito sa bangko, sertipiko sang deposito, ukon indibiduwal nga deposito sa pagretiro mahimo ipangalan sa organisasyon nga ginagamit sang mga Saksi ni Jehova ukon ihatag sa sini nga organisasyon kon mapatay na ang nagdeposito, suno sa mga ginapatuman sang bangko sa inyo lugar.

Stock kag Bond: Ang mga stock kag bond ginadonar sa organisasyon nga ginagamit sang mga Saksi ni Jehova subong direkta nga regalo ukon paagi sa kasugtanan nga Transfer on Death.

Real Estate: Ang mabaligya nga real estate (balay, bilding, ukon lote) mahimo idonar sa organisasyon nga ginagamit sang mga Saksi ni Jehova paagi sa direkta nga pagregalo ukon paghatag sini kon mapatay na ang tag-iya. Halimbawa kon balay ang idonar, mahimo ini maistaran sang tag-iya tubtob buhi sia.

Gift Annuity: Kuarta ukon securities nga gindonar sa organisasyon nga ginagamit sang mga Saksi ni Jehova. Ang nagdonar, ukon ang isa nga gintangduan sang nagdonar, makabaton sing espesipiko nga kantidad kada tuig tubtob buhi sia. Ang nagdonar makabaton sang income-tax deduction sa tuig nga magsugod ang gift annuity.

Mga Testamento kag mga Trust Agreement: Mahimo ipapanubli sa organisasyon nga ginagamit sang mga Saksi ni Jehova ang pagkabutang ukon kuarta paagi sa isa ka legal nga testamento, ukon himuon ang organisasyon nga benepisyaryo sang isa ka trust agreement. Ini nga kahimusan mahimo magbuhin sang balayran nga buhis.

Subong ginapahangop sang termino nga “charitable planning,” ini nga sahi sang mga pagdonar kinahanglan planuhon sing maayo sang nagdonar. Para sa mga luyag maghatag sing pinansial nga bulig para sa bug-os kalibutan nga hilikuton sang mga Saksi ni Jehova paagi sa pila ka porma sang ginplano nga pagdonar, ginhanda ang isa ka brosyur sa Ingles kag Espanyol nga ginatig-uluhan Charitable Planning to Benefit Kingdom Service Worldwide. Ini nga brosyur ginhimo agod maghatag sing impormasyon tuhoy sa lainlain nga paagi sang pagdonar sa karon ukon sa tion nga mapatay ang nagdonar. Mahimo indi tanan nga impormasyon sa sini nga brosyur maaplikar sa imo sitwasyon bangod sang kasuguan sa buhis ukon iban pa nga kasuguan sa inyo pungsod. Gani pagkatapos mabasa ang brosyur, dapat mo pamangkuton ang imo abogado ukon ang mga may ihibalo parte sa buhis. Paagi sini nga pagdonar, madamo ang nakasakdag sa aton mga hilikuton sa bug-os nga kalibutan, kag nabuhinan man ang ila ginabayaran nga buhis. Kon may ara sa inyo pungsod, mahimo ka makapangabay sini nga brosyur sa sekretaryo sang inyo kongregasyon.

Para sa dugang nga impormasyon, magsulat lang ukon magtawag sa Charitable Planning Office sa adres kag numero sang telepono nga makita sa ubos, ukon makig-angot sa sanga talatapan sa inyo pungsod.