Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! NUM. 2 2016

 PAGBANTAY SA KALIBUTAN

Pagtalupangod sa mga Kaangtanan

Pagtalupangod sa mga Kaangtanan

Kon parte sa mga kaangtanan, sa Biblia ka bala una nga nagapangita sang laygay ukon amo ini ang ulihi? Binagbinaga ang kaalam sa Biblia kon ipaanggid sa bag-o lang nga mga natun-an.

India

Suno sa isa ka surbe sang 2014, 61 porsiento sang mga pamatan-on nga nagaedad 18-25 anyos nagapati nga ang pagpakigsekso bisan wala pa makasal “indi na daku nga isyu sa India.” Ang isa ka doktor sa Mumbai nagsiling sa Hindustan Times nga para sa iya, “ang mga pamatan-on nga nagapakigrelasyon wala nagahunahuna nga magpakasal. Isa ka bes man ini nga pagpakigsekso, indi serioso nga relasyon ukon pagpuyopuyo, wala nalakip sa ila plano ang pagpakasal.”

BINAGBINAGA INI: Ang mga balatian bala nga nagalaton paagi sa pagpakigsekso kag sobra nga kasakit sa balatyagon mas daku ang tsansa nga matabo sa pagpakigsekso nga wala pa makasal ukon sa tapos sang kasal?1 Corinto 6:18.

Denmark

Doble ang risgo sang mga tawo nga mapatay sa edad nga 35-50 anyos kon pirme sila nagabaisay sa pamilya. Gintun-an sang mga researcher sa University of Copenhagen ang mga 10,000 ka tawo nga nagaedad sang 35-50 anyos sa sulod sang 11 ka tuig kag nasapwan nila nga ang mga partisipante nga pirme nagabais sa mga suod nila mas daku ang tsansa nga mapatay sing temprano sangsa talagsa lang nagabaisay. Ang awtor sang pagtuon nagsiling nga ang pag-atubang sang mga kabalaka kag kabudlayan kag pagkontrol sang pag-ilinaway “ginakabig nga importante nga mga pamaagi agod indi mapatay sing mas temprano.”

ANG GINASILING SANG BIBLIA: “Ang tawo nga maalamon nagahalong sa iya ginahambal, kag ang tawo nga may paghangop magapabilin nga kalmado.”—Hulubaton 17:27.

Estados Unidos

Ang magnobyohanay nga pirme nagabulagay dayon nagabalikanay, daku ang tsansa nga amo man sini ang matabo sa una nga lima ka tuig nila nga pag-asawahay, suno sa pagtuon sining karon lang sa 564 ka bag-ong kasal sa Louisiana. Masami man sila magaaway kag indi malipayon sa ila pag-asawahay.

ANG GINASILING SANG BIBLIA: “Ang gintingob sang Dios [sa pag-asawahay], indi pagbulagon sang tawo.”—Mateo 19:6.

Magtuon sing Dugang Pa

Sala Bala ang Pag-sex Antes sang Kasal?

Hibalua ang ginasiling sang Biblia parte sa pag-sex antes sang kasal kag sang iban pa nga porma sang seksuwal nga buluhaton.

Magpagiya sa Dios Para Mangin Malipayon ang Pag-asawahay

Ang paggamit sing duha ka simple nga pamangkot makabulig sa inyo nga mangin malipayon ang inyo pag-asawahay.