Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN (TULUN-AN NGA EDISYON) SEPTIEMBRE 2016

Mga Pagpakamaayo sa Pagsunod sang Panuytoy ni Jehova Subong

Mga Pagpakamaayo sa Pagsunod sang Panuytoy ni Jehova Subong

MAAYO NGA DESISYON SA POLAND

“NABAWTISMUHAN ako sang 15 anyos, kag nag-auxiliary payunir ako pagligad sang anom ka bulan. Nangin regular payunir ako pagligad sang isa ka tuig. Sang nakatapos ako sa hayskul, nagboluntaryo ako nga mag-alagad sa lugar nga diutay ang manugbantala sang Ginharian. Luyag ko maghalin sa amon banwa kag sa akon lola nga akon ginaistaran pero indi Saksi ni Jehova. Nasubuan gid ako sang ginsilingan ako sang manugtatap sang sirkito nga ang akon asaynment amo mismo ang amon lugar! Gintago ko sa iya ang akon ginbatyag. Nagahuyhoy ang akon abaga samtang nagalakat kag ginapamensaran ko ang iya ginsiling. Ginsilingan ko ang akon upod: ‘Daw si Jonas ako. Pero sang ulihi nagkadto gid man sia sa Ninive. Gani himuon ko man ang akon asaynment.’

“Apat ka tuig na ako nga nagapayunir sa amon banwa, kag nangin maathag sa akon nga maayo gid man kon sundon naton ang mga panuytoy. Ang problema ko gid sadto amo ang akon negatibo nga panimuot. Pero subong, nalipay gid ako. Sa isa ka bulan, 24 ka tawo ang akon ginatun-an sa Biblia. Sa bulig ni Jehova, natun-an ko pa ang akon lola nga nagapamatok sang una.”

MAAYO NGA RESULTA SA FIJI

Dapat magpili ang isa ka nagatuon sa Biblia sa Fiji kon bala matambong sia sa Cristianong kombension ukon maupod sa iya bana sa birthday party sang paryente sini. Ginpasugtan sia sang iya bana nga matambong sa kombension. Ginsilingan niya ang iya bana nga maapas lang sia. Pero sang nakapauli na sia sa ila balay pagkatapos sang kombension, ginpakamaayo niya nga indi mag-apas sa iya bana para indi niya mabutang sa katalagman ang iya espirituwalidad.

Sang ang iya bana nagsiling sa iya mga paryente nga ginpangabay niya ang iya asawa nga maapas pagkatapos makatambong sang “miting sang mga Saksi,” nagsabat sila, “Indi na ’to sia mag-apas; wala nagasaulog sang birthday ang mga Saksi ni Jehova!” *

Nalipay gid ang iya bana nga nanindugan sia sa iya ginapatihan kag suno sa iya konsiensia. Ang iya katutom nakahatag sa iya sing kahigayunan nga makapanaksi sang ulihi sa iya bana kag sa iban man. Ano ang resulta? Nagtuon ang iya bana sa Biblia kag nagtambong sa mga miting upod sa iya.

^ par. 7 Tan-awa ang “Mga Pamangkot Gikan sa mga Bumalasa” sa Ang Lalantawan nga Disiembre 15, 2001.