Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN (TULUN-AN NGA EDISYON) ABRIL 2016

Mga Pamangkot Gikan sa mga Bumalasa

Mga Pamangkot Gikan sa mga Bumalasa

Ano ang “garantiya” kag ang “selyo” nga nabaton sang kada hinaplas nga Cristiano halin sa Dios?—2 Cor. 1:21, 22; footnote.

Ginapamarka ang pangselyo nga singsing sa daga ukon waks para mangin legal ang dokumento

Garantiya: Suno sa isa ka reperensia, ang Griego nga tinaga nga ginbadbad “garantiya” sa 2 Corinto 1:22 isa ka “legal kag komersial nga tinaga” nga nagakahulugan “pauna nga bayad, deposito, putika, nga abanse nga ginabayad bilang bahin sang kabilugan nga presyo, kag ginasiguro sini nga legal ang pagpanag-iya sa isa ka butang, ukon ginahimo sini nga legal ang kontrata.” Kon ang isa ka Cristiano ginhaplasan sang balaan nga espiritu, makabaton sia sing garantiya, pero ang kabilugan nga bayad, ukon padya, amo ang pagsuklob sang indi madinulunton nga langitnon nga lawas nga ginlaragway sa 2 Corinto 5:1-5. Nalakip man sa padya ang kabuhi nga indi mamalatyon.—1 Cor. 15:48-54.

Sa moderno nga Griego, kaanggid sa sini ang tinaga nga ginagamit para sa engagement ring. Nagakaigo gid ini nga paglaragway sa mga hinaplas nga mangin bahin sang malaragwayon nga asawa sang Cristo.—2 Cor. 11:2; Bug. 21:2, 9.

Selyo: Ginagamit sang una ang selyo subong pamatuod sang pagpanag-iya, pagkamasaligan, ukon kasugtanan. Sa bahin sang mga hinaplas, ginselyuhan ukon “ginpat-inan” sila sang balaan nga espiritu sa malaragwayon nga paagi nga nagapakita nga ginapanag-iyahan sila sang Dios. (Efe. 1:13, 14) Pero, indi permanente ini nga selyo. Mangin permanente ini sa isa ka matutom antes sia mapatay ukon antes magsugod ang dakung kapipit-an.—Efe. 4:30; Bug. 7:2-4.