Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Ang Lalantawan  |  Num. 4 2016

Ano ang Ginasiling sang Biblia?

Ano ang Ginasiling sang Biblia?

Ang relihion bala himuhimo lang sang tawo?

ANG PILA KA TAWO NAGASILING nga ang relihion himuhimo lang sang tawo, pero ang iban nagapati nga ginagamit sang Dios ang relihion para buligan ang mga tawo nga mangin malapit sa iya. Ano sa banta mo?

ANG GINASILING SANG BIBLIA

May “relihion nga matinlo kag wala sing dagta sa pagtamod sang aton Dios kag Amay.” (Santiago 1:27, footnote) Gani, ang matinlo ukon matuod nga relihion naghalin sa Dios.

ANO PA ANG MATUN-AN NATON SA BIBLIA?

  • Para malipay ang Dios, ang relihion dapat nabase sa kamatuoran sa Biblia.—Juan 4:23, 24.

  • Ang mga relihion nga base lang sa ideya sang tawo wala sing pulos.—Marcos 7:7, 8.

Kinahanglan gid bala nga may relihion kita?

ANO ANG MASILING MO?

  • Huo

  • Indi

  • Depende

ANG GINASILING SANG BIBLIA

“Hunahunaon naton ang isa kag isa agod pahulagon sa gugma kag sa maayong mga buhat, nga wala ginapabay-an ang aton pagtilipon.” (Hebreo 10:24, 25) Kon amo, gusto sang Dios nga ang mga nagasimba sa iya magtipon bilang organisado nga grupo.

ANO PA ANG MATUN-AN NATON SA BIBLIA?

  • Dapat pareho ang pagpati sang mga nagatipon para magsimba sa Dios.—1 Corinto 1:10, 11.

  • Ang mga miembro sang relihion nga ginabaton sang Dios nagatrato sa isa kag isa bilang utod bisan diin man sila sa kalibutan.—1 Pedro 2:17.