Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

ANG LALANTAWAN NUM. 2 2016

Ano ang Ginasiling sang Biblia?

Ano ang Ginasiling sang Biblia?

Sin-o ukon ano ang Yawa?

MASILING KA BALA nga ang Yawa . . .

  • Espiritu nga persona?

  • Simbulo sang kalainan nga yara sa tawo?

  • Imahinasyon lang sang tawo?

ANG GINASILING SANG BIBLIA

Ang Yawa nakighambal kag ‘nagsulay’ kay Jesus. (Mateo 4:1-4) Gani ang Yawa indi imahinasyon lang, kag indi sia simbulo sang kalainan. Malaut sia nga espiritu nga persona.

ANO PA ANG MATUN-AN NATON SA BIBLIA?

  • Sa ginsuguran, ang Yawa isa ka balaan nga anghel, pero “wala sia magpabilin sa kamatuoran.” (Juan 8:44) Nangin butigon sia kag nagrebelde sa Dios.

  • Ang iban nga anghel nagbuylog man sa pagrebelde ni Satanas.—Bugna 12:9.

  • Ginbulag sang Yawa ang mga tawo parte sa iya pagluntad.—2 Corinto 4:4.

Makontrol bala sang Yawa ang mga tawo?

ANG PILA KA TAWO NAGASILING nga ang pagkontrol sang Yawa isa ka pagtiplang, samtang ang iban nahadlok nga masudlan sang malaut nga mga espiritu. Ano sa banta mo?

ANG GINASILING SANG BIBLIA

“Ang bug-os nga kalibutan yara sa gahom sang isa nga malauton.” (1 Juan 5:19) Daku gid ang impluwensia sang Yawa sa katawhan, pero indi niya kontrolado ang tanan nga tawo.

ANO PA ANG MATUN-AN NATON SA BIBLIA?

  • Ang Yawa nagapangdaya agod maimpluwensiahan ang madamo.2 Corinto 11:14.

  • Sa pila ka kahimtangan, makontrol sang malaut nga mga espiritu ang mga tawo.Mateo 12:22.

  • Sa bulig sang Dios, ‘mapamatukan mo ang Yawa.’Santiago 4:7.

 

Magtuon sing Dugang Pa

Matuod Bala ang mga Demonyo?

Ano ang mga demonyo? Diin sila naghalin?

Ngaa Ginatugutan sang Dios ang Kalautan kag Pag-antos?

Paano nagsugod ang kalautan, kag ngaa gintugutan ini sang Dios nga magpadayon? Madula pa bala ang pag-antos?