Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! DISIEMBRE 2015

 PAGBANTAY SA KALIBUTAN

Pagtalupangod sa Europa

Pagtalupangod sa Europa

Ang Europa nga relihioso gid sadto, sa karon indi na. Apang sining karon lang, may balita halin sa Europa may kaangtanan sa Biblia nga mahimo gid magpakibot sa imo.

Maayo nga Epekto sang Tingog sang Iloy

Suno sa mga researcher sa Milan, Italya, nag-ayo ang panglawas sang mga lapsag nga kulang sing binulan sang ginpabati sila sang tingog sang ila iloy paagi sa isa ka instrumento nga ginatakod sa kamot sang lapsag samtang ara sila sa ospital. Ini nga paagi ginsunod sa kon paano mabatian sang lapsag ang tingog sang iloy sang ara pa sia sa tiyan. “Ang pagpamati dayon sa tingog sang iloy,” suno sa pagtuon “may maayo nga epekto sa mga lapsag nga kulang sing binulan.”

ANG GINASILING SANG BIBLIA: “Ginpakalma ko kag ginpalinong ang akon kalag kaangay sang ginlutas nga bata sa iya iloy.”—Salmo 131:2.

Pagpalambo sing Pagkamaiyaiyahon?

Suno sa isa ka pagtuon sa 565 ka kabataan sa Netherlands, ang mga kabataan nga ang ila mga ginikanan nagakabig sa ila nga “mas pinasahi sangsa iban nga kabataan” kag takus sang “pinasahi nga pagtratar” nakakuha sing mas mataas nga marka sa eksam parte sa pagkamaiyaiyahon sangsa ila mga katubotubo kag nagbatyag sila nga labaw sila sa iban kag may kinamatarong sila. “Nagapati ang mga kabataan kon hambalon sila sang ila mga ginikanan nga mas pinasahi sila sangsa iban,” siling sang isa ka awtor sang pagtuon. “Mahimo nga indi maayo ang epekto sini sa ila ukon sa sosiedad.”

ANG GINASILING SANG BIBLIA: “Ginasilingan ko ang tagsatagsa sa inyo nga indi kamo magpakataas sa inyo kaugalingon, kundi ipakita ninyo nga may maligdong kamo nga panghunahuna.”—Roma 12:3.

Positibo nga mga Tigulang

Bisan pa nagabalatian kag may mga kasablagan sa lawas, ang mga tigulang nga nagaedad sing 100 ukon kapin pa luyag gihapon mabuhi, suno sa mga researcher sa Heidelberg University sa Germany. Sa apat nga gin-interbyu, tatlo ang luyag pa mabuhi kag nagatinguha nga mangin aktibo. May ginalab-ot sila nga mga tulumuron, positibo sila kag may paglaum, nagabatyag sila nga may kahulugan ang kabuhi, nagapabilin sila nga relihioso kag ginapakita ang maayo nga pamatasan.

BINAGBINAGA INI: Suno sa Manugwali 3:11, ano ang ginapakita sang aton handum nga padayon nga mabuhi?

Magtuon sing Dugang Pa

Kon Paano Tudluan ang mga Bata nga Mangin Makonsiderasyon

Binagbinaga ang tatlo ka butang para mabuligan mo ang imo kabataan nga indi mangin maiyaiyahon.

Daw Ano Kalawig ang Imo Kabuhi?

Ang paghibalo sang rason kon ngaa nagatigulang kita kag nagakapatay makabulig sa aton nga maintiendihan kon daw ano kalawig ang aton kabuhi.