Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Magmata!  |  Disiembre 2015

 ANG PAGTAMOD SANG BIBLIA

Ang Kalag

Ang Kalag

Lainlain kag nagasumpakilay ang ginatudlo sang mga relihion parte sa kalag kag kon ano ang nagakatabo sa sini kon mapatay ang tawo. Apang ang Biblia nagahatag sing maathag nga sabat.

Ang kalag bala indi mapatay?

ANG GINASILING SANG MGA TAWO

Madamo ang nagapati nga ang kalag indi mapatay. Para sa iban kon mapatay ang isa ka tawo, ang kalag sini nagabalik kag nagasulod sa bag-o nga lawas. Nagapati naman ang iban nga ang kalag nagakadto sa lain nga lugar subong sang langit ukon impierno.

ANG GINASILING SANG BIBLIA

Wala ginatudlo sang Biblia nga ang kalag indi mapatay. Ang matuod, pirme sini ginasiling nga ang kalag nagakapatay. Ang manalagna nga si Ezequiel, nga gingamit sang Dios agod isulat ang isa ka bahin sang Biblia, nagsiling nga ang kalag mahimo silutan sing kamatayon. Sa isa pa ka teksto, gingamit sang Biblia ang termino nga “patay nga kalag” agod ilaragway ang bangkay. (Levitico 21:11, footnote) Maathag nga wala ginatudlo sang Biblia nga ang kalag indi mapatay.

“Ang kalag nga nagapakasala mapatay.”Ezequiel 18:20.

Nagagua bala sa lawas ang kalag?

ANG GINASILING SANG MGA TAWO

Ang kalag nagakabuhi sa lawas sang tawo samtang buhi ang tawo pero nagagua ini kon mapatay sia.

ANG GINASILING SANG BIBLIA

Ginalaragway sang Biblia ang isa ka iloy nga nagbata sing mga “kalag”—ukon, buhi kag nagaginhawa nga mga tawo. (Genesis 46:18, footnote) Ang matuod, ang Hebreo nga tinaga nga gingamit sa Biblia para sa “kalag” mahimo badbaron nga “isa nga nagaginhawa.” Kon kaisa ginagamit ini nga termino sa pagpatuhoy sa mga sapat. Dugang pa, ginalaragway sang Biblia ang kalag nga gusto magkaon. (Deuteronomio 12:20, footnote) Kon ang kalag isa ka bahin nga nagagua sa lawas, kinahanglan bala ini magginhawa ukon magkaon? Sa Biblia, ang tinaga nga “kalag” masami nga nagapatuhoy sa kabug-usan sang buhi nga tawo, lakip ang iya lawas, balatyagon, kag personalidad.

“Ang mga anak ni Jacob kay . . . Lea: 16 sila [ukon, “ka kalag” footnote].”Genesis 46:18.

 Ano ang nagakatabo sa kalag kon mapatay ang tawo?

ANG GINASILING SANG BIBLIA

Bangod ang lawas nagakadunot kon mapatay ang tawo, “wala na [sila] sing hilikuton ukon plano ukon ihibalo sa Lulubngan.” (Manugwali 9:10) Ginasugiran kita sing maathag sang Kasulatan nga kon mapatay ang tawo, “nagabalik sia sa duta; sa sina mismo nga adlaw ang iya panghunahuna madula.” (Salmo 146:4) Ang patay nga kalag wala sing ginahimo, gani masami nga ginapatuhuyan sang Kasulatan ang patay nga “nagakatulog lang.”—Mateo 9:24.

NGAA IMPORTANTE INI?

Kon may napatay ka nga mga hinigugma, luyag mo nga mahibaluan ang sabat sa masunod nga pamangkot: Diin na sila? Ano ang ila kahimtangan? Nagaantos bala sila? Bangod ginapasalig kita sang Biblia nga ang patay wala sing pangalibutan, malugpayan kita sa paghibalo nga wala sila nagaantos. Malipay pa gid kita nga mahibaluan nga nagsaad si Jehova nga banhawon niya sa palaabuton ang wala sing pangalibutan ukon patay nga mga kalag.—Isaias 26:19.

“Ang mga patay wala gid sing nahibaluan.”Manugwali 9:5.

Magtuon sing Dugang Pa

ANG LALANTAWAN

Kabutigan 3: Ang Dios Mapintas

Madamo ang nagapati nga ginapaantos sang Dios ang makasasala sing wala katapusan. Mahimo gid bala ini sang Dios? Ano gid ang nagakatabo pagkatapos sang kamatayon?

SABAT SA MGA PAMANGKOT SA BIBLIA

Ano ang Pagkabanhaw?

Mahimo makibot ka kon sin-o ang pagabanhawon.