Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! OKTUBRE 2015

Pader sang Itchan Kala sa Khiva

 MGA LUGAR KAG MGA TAWO

Pagbisita sa Uzbekistan

Pagbisita sa Uzbekistan

TRANSOXANIA. Ang Lugar sa Ulot sang mga Suba. Tartary. Turkistan. Madamo nga ngalan ang gintawag sa sina nga rehiyon nga nagalakip karon sang Uzbekistan, ang “Pungsod sang mga Uzbek.” Sugod sang maaga nga bahin sang ika-15 nga siglo, ang mga siudad sang Uzbekistan mapuslanon gid sa mga negosyante nga nagalakbay sa Silk Road, ang sistema sang mga dalan nga nagaangot sadto sang China sa Mediteraneo. Ang koton amo ang kalabanan nga ginabaligya nga tela sa Uzbekistan karon. Nagabaligya man sila sing manami nga mga karpet nga ginhimo halin sa koton, de-lana, ukon seda.

Ang kultura sang Uzbek naimpluwensiahan sang madamo nga tawo sa bilog nga kasaysayan. Ang bantog nga mga nagapanakop kag ang ila makusog nga mga hangaway naglakbay sa mga bukid kag desyerto sang Uzbekistan. Lakip sa ila amo si Alejandro nga Daku, nga nakilala ang iya pinalangga nga si Roxane diri; si Genghis Khan, nga taga-Mongolia; kag si Timur (kilala man nga si Tamerlane), isa ka tumandok sa sini nga rehiyon, nga naggahom sa isa sa pinakamalapad nga emperyo sa kasaysayan.

Tradisyonal nga bayo

Ang matahom kag de-kolor nga mga monumento nga may bilog nga mga atop nga nakulapan sing asul nga tiles amo ang  makita sa siudad sang Uzbekistan karon. Madamo sa sini nga bilding ang ginagamit subong mga eskwelahan.

Ang Silk Road. Ginagamit na ini antes pa sang aton komon nga dag-on kag ginagamit gihapon ini tubtob nabuksan ang ruta sa dagat pakadto sa India sa hingapusan sang ika-15 nga siglo C.E. Ini nga mga dalan nga ginaagyan sang mga negosyante, nga may bahin nga nagaagi sa ginatawag karon nga Uzbekistan, nangin importante gid sa patag sang komersio sa kalibutan.

Paghimo sing seda nga karpet

Ang Aral Sea. Bangod sang pagpalikaw sang tubig sa mga irigasyon, ang Aral Sea—nga amo anay ang ikap-at nga pinakadaku nga linaw sa bilog nga kalibutan—nagakahubas na. Sa bulig sang iban nga pungsod sa Sentral Asia, ginatinguhaan sang Uzbekistan nga masolbar ini nga problema.

Nagabag-o nga alpabeto sang Uzbekistan. Lainlain nga lenguahe ang ginagamit diri, kag sang ginsakop sila sang mga Islam sang ikawalo nga siglo, gingamit nila ang Arabic nga lenguahe. Sang nangin bahin ang pungsod sang Unyon Sobyet, gingamit sang primero ang Latin nga alpabeto kag dayon ginbuslan ini sang Cyrillic sang hingapusan sang katuigan 1930. Sang 1993 ginpagamit sang bag-o nga kasuguan ang Uzbek nga alpabeto, nga nabase sa Latin.

Balaligyaan sang uga nga prutas sa merkado sang siudad