Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

MAGMATA! HUNYO 2015

 PAGBANTAY SA KALIBUTAN

Pagtalupangod sa Palibot

Pagtalupangod sa Palibot

Bisan pa ang duta may ikasarang sa pagtinlo sa hangin, sa pagpatubas sing masustansia nga pagkaon, kag matinlo nga tubig, padayon nga ginaguba sang mga tawo ining natural nga mga proseso. Ang mga sientipiko nagatinguha gid nga makakita sing mga solusyon para makay-o ini.

AUSTRALIA

Ginabulubanta nga 500,000 kilometros kubikos sang tab-ang nga tubig ang yara sa salog sang mga kadagatan sang kalibutan. “Ang nibel sang dagat sadto mas manubo sangsa subong,” siling ni Vincent Post sang Flinders University sa Adelaide, gani ang higad sang baybay sadto mas masangkad. Sang una, kon mag-ulan “mapuno ang mga ginapunduhan sang tubig sa mga lugar nga sa karon yara na sa idalom sang dagat.” Ang mga sientipiko nagalaum nga ining mga pundo sang tubig sa idalom sang dagat makabulig sa ulihi sa sobra 700 milyones ka tawo nga wala sing bastante nga matinlo nga tubig.

SAHARA DESERT

Katunga sang dalagku nga espesyi sang mga sapat nga makita sang una sa Sahara ang nagkaladula ukon ang nabilin 1 ka porsiento na lang ukon kubos pa sangsa ila kadamuon sadto. Ang problema sa ekonomiya kag ang lapnag nga pagpangayam gamay lang nga bahin sang problema. Bisan pa ang buhi nga mga butang sa desyerto pareho kadamo sang buhi nga mga butang sa kagulangan, suno sa mga researcher ang “kakulang sing atension sang mga sientipiko sa buhi nga mga butang sa desyerto nagapakita lamang sing kakulang sing pinansial nga suporta.” Gani, nabudlayan ang mga nagaamlig sa desyerto nga maatipan ang buhi nga mga butang diri.

KALIBUTAN

Ginabulubanta nga 1 sa 8 ang napatay sang 2012 bangod sa polusyon sa hangin. Suno sa World Health Organization, “ang polusyon sa hangin amo karon ang pinakamakahalalit sa panglawas nga problema sa palibot sa bilog nga kalibutan.”

Magtuon sing Dugang Pa

MAAYONG BALITA HALIN SA DIOS!

Ano ang Katuyuan sang Dios Para sa Duta?

Ginapaathag sang Biblia kon ngaa gintuga sang Dios ang duta, kon san-o madula ang pag-antos, kag kon ano ang matabo sa duta sa palaabuton kag sa mga nagaistar sa sini.

ANG LALANTAWAN

Makay-o Pa Bala ang Duta nga Ginaguba sang Tawo?

Ginsugid sing abanse sang Biblia indi lang ang pagkaguba sang palibot subong, kundi kon ano man ang matabo sa sini sa ulihi.