Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! MARSO 2015

 PAGBANTAY SA KALIBUTAN

Pagtalupangod sa Aprika

Pagtalupangod sa Aprika

Madamo nga organisasyon kag mga indibiduwal ang padayon nga nagatinguha nga pauswagon ang kabuhi sa Aprika. Apang madamo gihapon sila sing daw indi masolbar nga mga problema.

Ilegal nga Pagpangdakop sing mga Rhino

Sa Bagatnan nga Aprika, 1,004 ka rhino ang ilegal nga ginpatay sang 2013, kon ipaanggid sa 13 lamang sang 2007. Bisan pa nagdamo ang suplay sang sungay sang rhino, ang isa ka kilo sini mas mahal pa sa bulawan kay madamo ang nagabakal sini. Ang presyo sang isa lang ka sungay mahimo nga asta sa tunga sa milyon ka dolyar.

BINAGBINAGA INI: Madula pa ayhan sang mga gobierno ang paglapas sa kasuguan?—Jeremias 10:23.

Wala Mareport nga Pagpanghamham

Ang kadamuon sang paghamham sa mga pungsod sang Sidlangan nga Aprika pinakamataas gid sa bug-os nga kalibutan, siling sang Transparency International. Pero, mga 90 porsiento sang mga tawo nga ginpangayuan sing hamham ang wala magreport sini. Ang humalambal sang isa ka organisasyon sa Kenya nagsiling: “Wala nagasalig ang mga pumuluyo nga may himuon ang gobierno sa korapsion nga ginareport sa ila.”

ANG GINASILING SANG BIBLIA: “Ang hamham nagabulag sa mga tawo nga makakita sing maathag.”—Exodo 23:8.

Mga Aprikano nga Naga-Internet

Halos 20 porsiento sang mga Aprikano ang ginapaabot nga magagamit sing Internet sa hingapusan sang tuig 2014, suno sa International Telecommunication Union. Ang nagaaplay sa Internet para sa ila mobile nga mga gadyet sa Aprika doble sa aberids nga kadamuon sa bilog nga kalibutan.