Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! PEBRERO 2015

 TOPIKO SA KOBER | PRAKTIKAL PA BALA ANG BIBLIA SUBONG?

Mga Kinaiya nga Mapuslanon Tubtob San-o—Pagpugong sa Kaugalingon

Mga Kinaiya nga Mapuslanon Tubtob San-o—Pagpugong sa Kaugalingon

PRINSIPIO SA BIBLIA: “Ang buangbuang wala nagapugong sang iya balatyagon, apang ginapunggan ini sang maalamon nga tawo.”—Hulubaton 29:11.

“Daw subong bala nga napatay ako kag ginbanhaw!”

MGA BENEPISYO: Kon ilista mo ang tanan nga benepisyo sang pagpugong sa kaugalingon, madamo gid nga papel ang kinahanglan mo! Subong isa ka benepisyo, ginaamligan sini nga kinaiya ang aton lawas. “Ang malinong nga tagipusuon nagahatag sing kabuhi [ukon, “kapagros,” footnote] sa lawas,” siling sang Biblia. Nagasiling man ini nga “ang tagipusuon nga malipayon maayo nga bulong.” (Hulubaton 14:30; 17:22) Sa kabaliskaran, ginapakita sang mga pagtuon nga kon ang tawo palaakig kag mainiton sing ulo, mas daku ang risgo nga magbalatian sia, ilabi na sa tagipusuon. Pero indi lamang ang lawas ang makabenepisyo sa pagpugong sa kaugalingon.

Si Cassius nga treintahon na subong, nagsiling: “Palaaway ako kag mainiton, kag pirme lang ako nagapanghangkat sing inaway. Wala gid ako sing respeto sa kaugalingon. Apang ini tanan nagbag-o sang gin-aplikar ko ang mga prinsipio sang Biblia. Natun-an ko nga kontrolon ang akon kaakig kag nangin mapainubuson ako kag mapinatawaron. Nabilanggo kuntani ako kon wala ko ini mahimo. Daw subong bala nga napatay ako kag ginbanhaw!”

Natun-an ni Cassius nga kontrolon ang iya kaakig kag mangin mapinatawaron

Magtuon sing Dugang Pa

Paano ang mga Prinsipio sa Biblia Makabulig sa Aton?

Ginpaathag ni Jesus kon ngaa kinahanglan naton ang panuytoy kag kon ano ang duha ka panguna kag pinakaimportante nga prinsipio sa Biblia.

Talaksan sa Moral nga Makabulig Gid sa Imo

Kinaandan na nga pagtamod ang, ‘Kon sa pamatyag mo maayo, himua ini. Sunda ang imo tagipusuon.’ Maalamon bala ina nga panghunahuna? Hibalua kon ano ang mga talaksan nga ginatudlo sang Biblia nga masaligan mo gid.