Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Magmata!  |  Pebrero 2015

 TOPIKO SA KOBER | PRAKTIKAL PA BALA ANG BIBLIA SUBONG?

Mga Kinaiya nga Mapuslanon Tubtob San-o—Katutom

Mga Kinaiya nga Mapuslanon Tubtob San-o—Katutom

PRINSIPIO SA BIBLIA: “Dapat padunggan sang tanan ang pag-asawahay kag ang bana kag asawa dapat mangin matutom sa isa kag isa.”Hebreo 13:4.

MGA BENEPISYO: Ginakabig sang iban nga daan na ini nga mga pulong. Apang sala gid sila! Ang pagluib masakit gihapon subong pareho sang tion nga ginsulat ang Biblia.—Hulubaton 6:34, 35.

Si Jessie, nga isa ka bana kag amay, nagsulat: “Daku gid ang nabulig sang katutom sa amon kalipay kag mabakod nga pag-asawahay. Sa pagkamatuod, importante gid nga may pagsalig ang mag-asawa sa isa kag isa. Ang pagluib makaguba sini nga pagsalig” kag may epekto man ini sa mga kabataan sa ulihi!

Ginbutang ni Ligaya * ang ila pag-asawahay sa katalagman. “Nagsugod ako sa pagpakig-upod sa malain nga mga tawo,” siling niya. “Nagdul-ong ini sa akon pagpakigbahin sa magaris nga paglipaylipay kon gab-i kag sa pagpanonto sa akon bana.” Nangin malipayon bala sia sa sini? Pirme sila nagabaisay sang iya bana, kag indi sia malipayon. Nagdugang pa sia: “Sang ginbinagbinag ko ang makahuluya nga ginahimo ko, narealisar ko nga husto gid ang akon mga ginikanan sang pirme sila nagasiling anay, ‘Ang pagpakig-upod sa malain nga mga tawo nagaguba sang maayo nga moral.’”—1 Corinto 15:33, footnote.

Nagpadayon pa si Ligaya: “Antes maglain pa gid ang kahimtangan, nagdesisyon ako nga untaton ang malain nga ginahimo ko kag gintun-an ko ang Biblia—sini nga tion gin-aplikar ko ang mga panudlo sini.” Ang mga resulta? Nasalbar niya ang ila pag-asawahay, kag nagsugod ang iya bana sa pagpakita sa iya sing kaayo kag respeto. “Ginbag-o sang Biblia ang akon kabuhi,” siling niya, “kag wala ako nagahinulsol nga gin-untatan ko ang akon mga ginahimo kag ginbiyaan ko ang akon mga abyan sadto.”

^ par. 6 Gin-islan ang pila ka ngalan.