Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! PEBRERO 2015

 ANG PAGTAMOD SANG BIBLIA

Ang Mesias

Ang Mesias

Gintagna sang Biblia nga ang Mesias magakari sa duta kag luwason ang katawhan gikan sa balatian, pag-antos, kag kamatayon. Si Jesucristo bala ini?

Paano makilala sang mga tawo ang Mesias?

Suno sa tagna sang Biblia, ang Mesias, ukon ang Cristo, magakari nga may duha ka magkatuhay nga papel, kag malawig nga hut-ong sang tion ang lang-at sini. * Sa iya una nga papel, nangin tawo sia. Gani, agod makilala sia, nagtagna ang mga manunulat sang Biblia sing madamo nga aspekto sang iya kabuhi kag ministeryo. Sa kamatuoran, “ang pagpanaksi tuhoy kay Jesus” amo ang una nga katuyuan sang tagna sang Biblia.—Bugna 19:10.

Subong isa ka tawo, ginhimo ni Jesus sa diutay nga kasangkaron ang pagahimuon niya sa bilog nga kalibutan subong isa ka gamhanan nga espiritu nga tinuga

ANG GINASILING SANG BIBLIA

Ang Mesias . . .

Gintuman ni Jesus ini tanan nga tagna kag ang madamo pa. Gin-ayo man niya ang mga masakiton kag ginbanhaw ang mga patay. Wala lamang sia maghatag sing dugang pa nga pamatuod nga sia ang Mesias kundi naghatag man sia sing malig-on nga basihan para magtuo kita sa mga saad sang Biblia nga himuon niya ini nga mga butang sa bug-os nga kalibutan sa palaabuton. (Lucas 7:21-23; Bugna 21:3, 4) Sang ginbanhaw si Jesus nagpungko sia sa “tuo” sang Dios, nga nagahulat sang tion agod tapuson niya ang iya hilikuton subong Mesias.—Salmo 110:1-6.

“Kon mag-abot ang Cristo, magahimo bala sia sang mas madamo nga milagro sangsa nahimo sini nga tawo?”Juan 7:31.

 Paano tapuson sang Mesias ang iya hilikuton?

Ginpaabot sang mga Judiyo sang adlaw ni Jesus nga luwason sila sang Mesias gikan sa pagginahom sang Roma kag magagahom sia sa isa ka napasag-uli nga ginharian sang Israel. (Binuhatan 1:6) Sang ulihi na lang nahangpan sang Judiyo nga mga sumulunod ni Jesus nga kon didto na sia sa langit, tapuson niya ang iya papel subong isa ka gamhanan nga espiritu nga tinuga nga ginhatagan sing daku nga awtoridad.—Mateo 28:18.

ANG GINASILING SANG BIBLIA

Sa iya ikaduha nga papel subong Mesias . . .

  • Magagahom sia subong Hari sa Ginharian sang Dios, nga isa ka bug-os kalibutan nga gobierno.—Daniel 7:13, 14; Bugna 11:15.

  • Mangin pagpakamaayo sia sa tanan nga tawo nga nagatuo sa iya.—Genesis 22:17, 18; Salmo 72:7, 8.

  • ‘Makibot sa iya ang madamo nga pungsod’ kag ang ila manuggahom kon dugmukon niya sila bangod sang ila pagpamatok sa iya.—Isaias 52:15; Bugna 19:19, 20.

  • Luwason niya ang “daku nga kadam-an” sang matarong nga mga tawo halin sa lainlain nga mga pungsod padulong sa isa ka malinong nga bag-o nga kalibutan.—Bugna 7:9, 10, 13-17.

  • Upod kay Jehova nga Dios, banhawon niya ang mga patay sa Paraiso nga duta.—Lucas 23:43; Juan 5:21, 28, 29.

  • Tudluan niya ang iya mga sakop kon paano matigayon ang matuod nga paghidait.—Isaias 11:1, 2, 9, 10.

  • Dulaon niya ang sala, nga amo ang kabangdanan sang balatian kag kamatayon.—Juan 1:29; Roma 5:12.

  • Gub-on niya ang tanan nga binuhatan ni Satanas kag pahanabuon niya nga maghiusa ang tawhanon nga pamilya sa idalom sang paggahom ni Jehova nga Dios.—1 Corinto 15:25-28; 1 Juan 3:8.

Gintuman ni Jesus ang iya una nga papel subong Mesias. Tumanon man niya ang ikaduha niya nga papel. Gani, ang maalamon nga tawo nagatinguha nga makilala gid si Jesus, kay siling niya: “Ako amo ang dalan kag ang kamatuoran kag ang kabuhi.”—Juan 14:6.

“Sa tion sang iya paggahom magalambo ang matarong, kag magabugana ang paghidait tubtob wala na ang bulan. May mga sakop sia . . . tubtob sa pinakamalayo nga mga bahin sang duta.”Salmo 72:7, 8.

^ par. 5 Ang tinaga nga “Mesias” naghalin sa Hebreo. Ang “Cristo” nga katumbas sini naghalin sa Griego.—Juan 1:41.

^ par. 7 Ang una nga teksto diri amo ang tagna; ang ikaduha amo ang katumanan.

Magtuon sing Dugang Pa

Sin-o si Jesucristo?

Hibalua kon ngaa napatay si Jesus, kon ano ang gawad, kag kon ano ang ginahimo ni Jesus karon.