Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! ENERO 2015

 TOPIKO SA KOBER | PAANO NAGSUGOD ANG KABUHI?

Ang Sabat nga Takus Binagbinagon

Ang Sabat nga Takus Binagbinagon

PAGKATAPOS mabinagbinag ang ebidensia, madamo nga tawo ang naghinakop nga ang kabuhi produkto sang isa nga may superyor nga kaalam. Binagbinaga ang halimbawa ni Antony Flew, isa ka propesor sa pilosopiya nga isa anay ka nagapanguna nga sumalakdag sang ateismo. Sang matun-an niya ang makatilingala nga pagkakomplikado sang kabuhi kag ang pisikal nga kasuguan sang uniberso, ginbag-o ni Flew ang iya pagpati. Ginpatuhuyan niya ang pangatarungan sang mga pilosopo sang una sang nagsulat sia: “Dapat naton sundon kon diin nagatudlo ang ebidensia.” Para kay Propesor Flew, ang ebidensia nagatudlo nga may yara gid Manunuga.

Amo man sini ang ginhinakop ni Gerard nga ginsambit na sa sini nga serye sang mga artikulo. Wala sapayan sang iya mataas nga tinapusan kag sang iya karera parte sa pagtuon sa mga insekto, nagsiling sia: “Wala gid ako sing nakita nga ebidensia nga ang kabuhi naghalin lang sa wala sing kabuhi nga butang. Ang pagkaorganisado kag pagkakomplikado sang buhi nga mga butang nagkumbinsi sa akon nga may yara gid isa ka Organisador kag Desinyador.”

Kon paano nga ang isa ka tawo makatuon parte sa isa ka eskultor kon usisaon niya ang iya eskultura, natun-an man ni Gerard ang mga kinaiya sang Manunuga sang gin-usisa niya ang kalibutan sang kinaugali. Ginbinagbinag man ni Gerard ang libro nga ginapadungog sa Manunuga—ang Biblia. (2 Timoteo 3:16) Nakita niya diri ang makapakumbinsi nga mga sabat sa mga pamangkot parte sa nagligad sang katawhan kag ang praktikal nga mga solusyon sa mga problema sang mga tawo subong. Gani nakumbinsi sia nga ang Biblia produkto man sang isa nga may superyor nga kaalam.

Subong sang napamatud-an ni Gerard, takus gid binagbinagon ang mga sabat sang Biblia. Ginaagda ka namon nga usisaon man ini.

Magtuon sing Dugang Pa

Ano ang Ginasiling sang Biblia Parte sa Pagtuga?

Ginalaragway sang Biblia nga gintuga sang Dios ang kabuhi sa duta sa sulod sang anom ka “adlaw.” Tig-beinte kuatro oras bala ang tagsa ka adlaw?

May Katuyuan Gid Bala ang Paghimo sang Aton Planeta?

Matuman ayhan ang katuyuan para sa duta?