Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! DISIEMBRE 2014

Pagbantay sa Kalibutan

Pagbantay sa Kalibutan

Israel, Jordan, kag Palestine

Naganabaw ang Dead Sea sing mga isa ka metro kada tuig. Nagakabalaka ang iban nga basi magmala ini nga linaw sa tuig 2050. Gani nagapangita sing solusyon ang mga opisyal. Ginatun-an subong ang isa ka paagi nga amo ang pagkuha sang asin sang tubig sa Red Sea para gamiton sang mga tawo kag ang nabilin nga tubig pakadtuon sa Dead Sea. Pero nabalaka ang mga kritiko nga mahimo sini mahalitan ang ecosystem sang Dead Sea.

Germany

Kon Krismas, nagdugang sing mga 33 porsiento ang nagakaospital bangod sang atake sa tagipusuon kon ikumparar sa iban nga adlaw, suno sa isa ka surbe sang kompanya sang insurance. Suno sa kompanya ang panguna nga kabangdanan nga nagadugang ang ila stress amo nga nagapangita sila sang regalo para sa krismas kag indi nagakaigo ang ginapaabot sang ila mga pamilya kag mga abyan.

Britanya

Ginreport sang mga sientipiko sa Britanya nga ang Icelandic mollusk nga ginapatihan nga mga 405 ka tuig, 507 na gali ka tuig sang hinali nga napatay ini sang 2006. Gani suno sa rekord amo ini ang sapat nga may pinakamalawig nga kabuhi. * Napatay ini sang gin-ilada sang mga researcher para madala nila ini sa laboratoryo.

Latin America kag Caribbean

Sa pagtilipon nga ginhiwat sa Havana, Cuba, sini nga tuig, gindeklarar sang 33 ka pungsod sa Community of Latin America kag Caribbean States nga ang ila mga pungsod ‘lugar sang paghidait’ paagi sa pag-ugyon nga solbaron nila ang ila mga problema nga wala nagainaway. Lakip sa nagtambong amo ang United Nations Secretary General nga si Ban Ki-moon.

^ par. 7 Ang termino nga “sapat nga may pinakamalawig nga kabuhi” wala nagalakip sang mga organismo pareho sang mga korales, nga ginapatihan nga nagakabuhi sing linibo ka tuig.