Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! OKTUBRE 2014

Pagbantay sa Kalibutan

Pagbantay sa Kalibutan

Estados Unidos

May teknolohiya nga ginagamit ang iban nga pulis agod indi delikado katama ang paglagas sang salakyan. Ang isa sa sini amo ang pagbutang sang compressed air launcher sa atubangan sang salakyan sang pulis nga may bala nga mga GPS-trackable device kag ginatiro nila ini para magtapik sa ginalagas nga salakyan. Gani makalagas sila nga indi tama kadasig ang ila dalagan.

India

Ginabulubanta nga kada oras, isa ka babayi ang ginapatay bangod sa pagbaisay parte sa mga dote. Bisan pa gindilian na ang kustombre nga paghatag kag pagbaton sini, sobra 8,200 ka babayi ang ginpatay sang 2012 bangod para sa nobyo ukon sa iya pamilya kulang ang dote nga ginbayad sang nobya.

Switzerland

Ginapakita sang gamay nga mga sensor nga gintapik sa tatlo ka alpine swift sa ila ginapugaran nga nakalupad sila sing sigesige sing sobra 200 ka adlaw pakadto sa Aprika. Sang una, mga sapat lang sa dagat ang ginreport nga makahimo sining sigesige nga paglakbay.

Horn of Africa

Gin-hijack sang mga pirata ang 179 ka barko sa baybayon sang Horn of Africa halin sang Abril 2005 asta sang Disiembre 2012. Ginabulubanta sang World Bank nga naglab-ot sa $413 milyones (U.S.) ang ginbayad sa mga pirata.