Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

MAGMATA! SEPTIEMBRE 2014

Pagbantay sa Kalibutan

Pagbantay sa Kalibutan

Bilog nga Kalibutan

Ang kapintas sa mga babayi nangin “lapnag katama nga problema sa kapagros sa bilog nga kalibutan,” suno sa World Health Organization (WHO). “Mga 35% sang tanan nga babayi ang makaeksperiensia sang kapintas sa ila bana ukon ginapuyopuyo, ukon sa iban nga tawo,” siling sang WHO. “Ang pagpamintas sang mga bana ukon ginapuyopuyo amo ang pinakakinaandan . . . , nga nagaapektar sa 30% sang mga babayi sa bilog nga kalibutan.”

Britanya

Sang ginsurbe ang 64,303 ka tawo, 79 porsiento ang nagsiling nga “relihion ang kabangdanan sang pag-antos kag ginamo sa kalibutan subong.” Nasapwan man sa 2011 nga sensus sa England kag Wales nga 59 porsiento lang sang populasyon sini ang nagapangangkon nga Cristiano, nagnubo halin sa 72 porsiento sang 2001. Sina man nga tion, nagtaas sa 25 halin sa 15 porsiento ang nagsiling nga wala sila sing relihion.

China

Suno sa mga report, ginapatuman sang bag-o lang naamiendahan nga kasuguan nga indi lang nga duawon pirme sang hamtong na nga mga kabataan ang ila nagatigulang nga mga ginikanan kundi dapat atipanon man nila ang ila “emosyonal nga kinahanglanon.” Ang kasuguan “wala sing bisan ano nga silot” sa mga kabataan nga indi magtuman sini.

Europa

Ginapeke subong sang mga sindikato ang mga produkto pareho sang kosmetiko, habon panglaba, kag bisan ang pagkaon. “Bisan ang mga baratuhon nga mga produkto ginapeke basta makuartahan lang,” siling sang presidente sang isa ka kompanya nga nagabantay sang seguridad sang mga pagkaon. Ginabulubanta sang isa ka eksperto nga 10 porsiento sang mga pagkaon nga mabakal sa manggaranon nga mga pungsod ang may simbog na.

Magtuon sing Dugang Pa

ANG LALANTAWAN

May Relihion Pa Bala nga Imo Masaligan?

Kon napaslawan ka sa isa ka relihion, mahimo nga nabudlayan ka na magsalig iban pa. Paano makabulig ang pagtuon sa Biblia?

MAGMATA!

Kinahanglan Mo Gid Bala Mag-entra sa Isa ka Relihion?

Ngaa madamo ang nagbiya sa ila mga relihion? Sa ano nga paagi gusto sang Dios nga simbahon sia?