Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! SEPTIEMBRE 2014

 ANG PAGTAMOD SANG BIBLIA

Pangamuyo

Pangamuyo

May nagapamati bala sa aton pangamuyo?

“O ikaw nga nagapamati sang pangamuyo! Sa imo magakari ang tanan nga unud.”Salmo 65:2.

ANG GINASILING SANG MGA TAWO

Ginapatihan sang iban nga ang pangamuyo “asta lang sa kisame.” Ang mga nagaantos amo ang ilabi na nga nagaduhaduha kon bala ginapamatian ang ila pangamuyo.

ANG GINASILING SANG BIBLIA

“Ang mga mata ni Jehova [nga Dios] nagatulok sa mga matarong, kag ang iya mga dulunggan nagapamati sa ila pag-ampo; apang ang nawong ni Jehova batok sa mga nagahimo sang malain nga mga butang,” siling sang Biblia. (1 Pedro 3:12) Ginapakita sini nga ginapamatian gid sang Dios ang pangamuyo. Pero, mas ginapamatian niya ang pangamuyo sang mga nagatuman sa iya. Parte sa kahanda sang Dios nga pamatian ang aton pangamuyo, ang isa pa ka teksto nagasiling: “Amo ini ang pagsalig naton sa iya, nga bisan ano ang pangayuon naton suno sa iya kabubut-on, nagapamati sia sa aton.” (1 Juan 5:14) Gani, dapat mahangpan sang mga sinsero nga nagapangamuyo kon ano nga sahi sang pangabay ang nahisuno sa kabubut-on sang Dios.

 Paano kita dapat mangamuyo?

“Kon ikaw nagapangamuyo, indi pagsulitsulita ang amo gihapon nga mga butang.”Mateo 6:7.

ANG GINASILING SANG MGA TAWO

Ang mga miembro sang lainlain nga relihion, pareho sang Budhismo, Katoliko, Hinduismo, kag Islam, gintudluan nga maggamit sing mga rosarito kag isipon ang ila mga pangamuyo.

ANG GINASILING SANG BIBLIA

Ang pangamuyo dapat sinsero kag tinagipusuon sa baylo nga nasaulo kag sulitsulit. Ang Biblia nagalaygay sa aton: “Kon ikaw nagapangamuyo, indi pagsulitsulita ang amo gihapon nga mga butang, subong sang ginahimo sang mga tawo sang mga pungsod, kay abi nila pamatian sila tungod sang ila madamo nga ginahambal. Gani, indi kamo mangin kaangay sa ila, kay nahibaluan sang Dios nga inyo Amay kon ano nga mga butang ang kinahanglan ninyo antes pa kamo mangayo sa iya.”Mateo 6:7, 8.

NGAA IMPORTANTE INI?

Kon indi nagakaigo ang paagi sang pagpangamuyo, ginausikan lang sang isa ang iya tion ukon mahimo mapaakig pa niya ang Dios. Nagapaandam ang Biblia nga ang pangamuyo sang mga wala nagatuman sang kabubut-on sang Dios “kangil-aran” sa iya.Hulubaton 28:9.

Kay sin-o kita dapat mangamuyo?

“Pangitaa ninyo ang GINOO samtang nga makita pa sia, tawga ninyo sia samtang nga malapit pa sia.”Isaias 55:6.

ANG GINASILING SANG MGA TAWO

Ang iban nagapangamuyo kay Maria ukon sa mga anghel kag sa ginapatihan nila nga “mga santos.” Lakip sa sini si “Saint” Anthony of Padua, nga ginapatihan nga nagaatipan sa “espirituwal kag sekular nga mga kinahanglanon,” kag si “Saint” Jude, nga ginakabig nga patron sang mga “yara sa mabudlay gid nga kahimtangan.” Madamo ang nagapangamuyo sa sini nga “mga santos” kag sa mga anghel kay nagapati sila nga ini ang magapalab-ot sang ila mga pangabay sa Dios.

ANG GINASILING SANG BIBLIA

Ang matuod nga mga sumilimba dapat mangamuyo sa “Amay [naton] nga yara sa langit.” (Mateo 6:9) Ang Biblia nagasiling sa aton: “Indi kamo magkabalaka sa bisan ano nga butang, kundi sa tanan nga butang paagi sa pangamuyo kag pag-ampo nga may pagpasalamat ipahibalo sa Dios ang inyo mga pangabay.”Filipos 4:6.

Magtuon sing Dugang Pa

Ano ang Puede Ko Ipangamuyo?

Hibalua kon ngaa ang aton personal nga mga kabalaka ginapamatian sang Dios.

“Ano Bala ang Ginakinahanglan sa Imo sang GINOO?”

Ano ang ginapatuman sang Dios para batunon niya ang aton pagsimba? Posible bala nga mapahamut-an sang mga makasasala ang Dios?

“Padayon sa Pagpangayo, kag Hatagan Kamo”

Usisaa ang duha ka ilustrasyon ni Jesus sa Lucas kapitulo 11 nga nagapaathag kon paano ka makasigurado nga ginapamatian sang Dios ang imo mga pangamuyo.