Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! SEPTIEMBRE 2014

 GINDESINYO BALA INI?

Ang Sensitibo sa Hulag nga mga Neuron sang Apan

Ang Sensitibo sa Hulag nga mga Neuron sang Apan

KON magsaylo ang mga apan, nagapanong sila sing mga “80 milyones ka apan kada kilometro kuadrado.” Pero wala sila nagabungguanay. Ano ang ila sekreto?

Binagbinaga: Sa sulod sang dalagku nga mata sang apan, may neuron nga sensitibo sa hulag nga ginatawag nga lobula giant movement detector (LGMD). Kon daw mabungguanay na sila, ini nga mga neuron nagapadala sing mensahe sa mga pakpak kag kamoy sang apan agod nga makalikaw sila dayon. Ang matuod, lima ka beses nga mas madasig ini sangsa isa ka pisok.

Bangod nagdayaw gid ang mga sientipiko sa mga mata kag neuron sang apan, naghimo sila sing programa sa kompyuter nga makabulig sa robot nga mabal-an kag malikawan ang nagapadulong nga mga butang, nga indi na kinahanglan maggamit sing masibod nga radar ukon infrared detector. Ginagamit man sang mga researcher ini nga teknolohiya sa mga salakyan para makahatag sing madasig kag masaligan nga paandam para malikawan ang pagbungguanay. “Madamo ka pa sing matun-an sa kinaandan lang nga mga insekto pareho sang apan,” siling ni Professor Shigang Yue sang University of Lincoln sa United Kingdom.

Ano sa banta mo? Ang sensitibo sa hulag nga mga neuron bala sang apan resulta sang ebolusyon? Ukon gindesinyo ini?

Magtuon sing Dugang Pa

Ginpaathag sang Manughimo sang Robot ang Iya Pagtuo

Ginpaathag ni Propesor Massimo Tistarelli kon ngaa nagbag-o ang iya pagpati sa ebolusyon.

Nagaluntad Bala ang Dios?

Ang Biblia nagasabat paagi sa lima ka makapakumbinsi nga pamatuod.