Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! HUNYO 2014

Pagbantay sa Kalibutan

Pagbantay sa Kalibutan

China

Nagdamo ang pagdiborsio sa Beijing sing 41 porsiento sa una nga siam ka bulan sang 2013 kon ikumparar sa amo man nga binulan sang 2012. Nagsiling ang mga eksperto nga mahimo bangod ini sang paglikaw sang mga mag-asawa nga magbayad sa ginpatuman sining karon lang nga 20 porsiento nga buhis sa propiedad gikan sa pagbaligya sang ila balay. Sa pila ka kahimtangan, ginabuhinan ang buhis kon ibaligya sang nagdiborsio nga mag-asawa ang isa pa nila ka balay.

Bilog nga Kalibutan

Nagpanugda ang United Nations nga mahimo mabatuan sang madamo ang malnutrisyon paagi sa pagkaon sang mga insekto. Makaon sini ang indi makaon sang mga tawo amo nga mas masustansia ini. Ang ginakaon nga mga insekto “puede mangin tal-us sa karne,” siling sang pinakaulihi nga report. Pero, nagsiling man ang report nga “may mga tawo gid nga indi kauyon sang [insekto].”

Canada

Nagaproblema karon sa legal kag moral ang mga klinika nga nagatago sang mga frozen embryo sang tawo nga ang mga “tag-iya” indi na makita. Ginreport nga sa isa ka klinika lamang, may 1,000 ka buhi nga embryo sang “indi na makit-an” nga mga pasyente sang in vitro fertilization.

IRELAND

Ang mga Katoliko nga luyag magpakasal sa Ireland makapili sa relihioso ukon sibil nga seremonya. Pero sang 2013, puede man sila makapili sang kasal nga ginahimo sang humanist nga grupo. Suno sa report sang Reuters, “nagdamo ang indi luyag magpakasal sa huwes pero indi man luyag magpakasal sa simbahan, amo nga indi na maarapalan” ang pagkasal nga ginahimo sini nga grupo.