Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! ABRIL 2014

 TOPIKO SA KOBER

Ngaa Indi Dapat Mangampo?

Ngaa Indi Dapat Mangampo?

KON makilala mo si Diana, * masiling ka gid nga maalam sia, mainabyanon, kag malipayon nga dalagita. Pero ang matuod, pirme lang daw ginakumos ang iya tagipusuon sang kasubo amo nga nagabatyag sia sing pagkawalay pulos sa sulod sang mga inadlaw, sinemana, kag binulan pa gani. “Wala sing adlaw nga wala ako nagapamensar nga mapatay,” siling niya. “Nagapati gid ako nga mangin mas maayo ang kalibutan kon wala na ako.”

“Ang pila ka pagtuon nagapakita nga sa kada isa nga napatay tungod sa paghikog, 200 ang nagtilaw sini kag 400 [nga iban pa] ang naghunahuna sini.”—THE GAZETTE, MONTREAL, CANADA.

Nagsiling si Diana nga indi gid sia maghikog. Pero, kon kaisa daw wala na sia sing rason nga mabuhi pa. “Handum ko gid nga mapatay na lang sa aksidente,” siling niya. “Ginakabig ko na nga abyan ang kamatayon, indi kaaway.”

Madamo ang nagabatyag sang pareho man kay Diana, kag ang iban sa ila nanumdom, ukon nagtilaw gid gani nga maghikog. Pero, nadiskobrehan sang mga eksperto nga ang madamo nga nagtilaw nga maghikog indi gid man luyag mapatay; gusto lang nila nga madula ang ila pag-antos. Sa aton pa, nagapati sila nga may rason sila nga mapatay; kag wala na sing rason nga mabuhi.

Ngaa indi ka dapat mangampo? Binagbinaga ang tatlo ka rason kon ngaa dapat ka pa mabuhi.

^ par. 3 Gin-islan ang ngalan.