Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! MARSO 2014

 ANG PAGTAMOD SANG BIBLIA

Kuarta

Kuarta

Ang kuarta bala ang rason sang tanan nga kalautan?

“Ang gugma sa kuarta amo ang gamot sang tanan nga sahi sang makahalalit nga mga butang.” —1 Timoteo 6:10.

ANG GINASILING SANG MGA TAWO

Ang kuarta amo ang rason sang tanan nga kalautan.

ANG GINASILING SANG BIBLIA

“Ang gugma sa kuarta”—indi ang kuarta mismo—amo ang kabangdanan sang “makahalalit nga mga butang.” Sa Biblia, ginpakita ni Hari Solomon ang tatlo ka sahi sang makahalalit nga butang nga sa masami nagakatabo sa mga tawo nga nagahigugma sa kuarta. Kabalaka: “Ang pagkabusug sang manggaranon indi magtugut sa iya sa pagtolog.” (Manugwali 5:12) Pagkadikontento: “Ang nagahigugma sang pilak indi mabusug sing pilak; bisan ang nagahigugma sang kabuganaan, sing patubas.” (Manugwali 5:10) Pagsulay nga malapas ang kasuguan: “Ang nagadali nga magmanggaranon indi makaluwas sa silot.”—Hulubaton 28:20.

 Ano ang katuyuan sang kuarta?

“Ang cuarta pangapin.” —Manugwali 7:12.

ANG GINASILING SANG MGA TAWO

Ang kuarta makahatag sang kasiguruhan kag kalipay.

ANG GINASILING SANG BIBLIA

Ang ginasiling sang kalabanan nga mabakal sang kuarta ang kalipay kag kasiguruhan isa ka bahin sang “madaya nga gahom sang manggad.” (Marcos 4:19) Pero, “ang cuarta nagasabat sang tanan nga butang.” (Manugwali 10:19) Halimbawa, mabakal sang kuarta ang imo kinahanglanon para mabuhi, pareho sang pagkaon kag bulong.—2 Tesalonica 3:12.

Ginabuligan ka man sang kuarta nga maatipan ang imo pamilya. Ang matuod, ang Biblia nagasiling: “Kon sin-o man ang wala nagaaman para sa mga natungod sa iya, kag ilabi na para sa mga katapo sang iya panimalay, ginapanghiwala niya ang pagtuo kag malain pa sa tawo nga wala sing pagtuo.”—1 Timoteo 5:8.

Paano mo magamit sing maalamon ang kuarta?

‘Lingkod kag sumaha ang kagastuhanan.’—Lucas 14:28.

ANG GINASILING SANG BIBLIA

Gamita ang kuarta suno sa kon ano ang gusto sang Dios. (Lucas 16:9) Maalamon kon responsable kag bunayag ang paggamit sing kuarta. (Hebreo 13:18) Para malikawan ang pagkabuhi nga sobra sa kon ano ang masarangan, dapat “ang inyo paagi sang pagkabuhi mangin wala sing gugma sa kuarta.”—Hebreo 13:5.

Bisan pa wala ginapakamalaut sang Biblia ang pagpangutang, nagpaandam ini: “Ang nagahulam alagad sa nagapahulam.” (Hulubaton 22:7) Likawi ang wala sa plano nga pagbakal, bangod “ang tagsatagsa nga madalas nagdalidali lamang sa kinawad-on.” (Hulubaton 21:5) Kundi, “magpain sang bisan pila nga matipon suno sa iya kabuganaan” kag magtipon para sa kon ano ang importante sa imo.—1 Corinto 16:2.

Ginapalig-on sang Biblia nga ‘ugalion ang paghatag.’ (Lucas 6:38) Ang mga tawo nga luyag magpahalipay sa Dios may madamo nga rason sa paghatag, bangod “ginahigugma sang Dios ang nagahatag sing malipayon.” (2 Corinto 9:7) Gani, “indi pagkalimti ang paghimo sing maayo kag ang pagpaambit sing mga butang sa iban, kay nahamuot gid ang Dios sa sini nga mga halad.”—Hebreo 13:16.