Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Magmata!  |  Disiembre 2013

  MGA LUGAR KAG MGA TAWO

Pagbisita sa Brazil

Pagbisita sa Brazil

Ang manamit nga feijoada kilala nga sud-an sa Brazil

Ang toucan

ANG Brazil ginapuy-an anay sang mga manugpupo, mangangayam, kag mangunguma. Gindala sang manuglagulad nga mga Portuges ang Romano Katoliko nga relihion, kag sang ulihi, madamo nga simbahan kag kapelya ang gintukod nga ang iban ginpatahom sang mga tinigib nga kahoy nga ginkulapan sang gold leaf.

Halin sang tungatunga sang ika-16 tubtob ika-19 nga siglo, gindala sang mga barko ang mga apat ka milyon nga ulipon nga Aprikano sa Brazil para mag-obra sa mga uma. Gindala man nila ang ila mga ritwal, nga sang ulihi nangin Afro-Brazilian nga mga relihion pareho sang macumba kag candomblé nga sekta. Hilmunon gid ang impluwensia sang mga Aprikano sa musika, saot, kag pagkaon sa Brazil.

Ang feijoada, nga gin-ilog nga pagkaon sa Portugal, isa ka linaga nga karne kag black beans, nga ginasud-an sa kan-on kag repolyo. Sang ika-19 kag ika-20 nga siglo, minilyon ang nagsaylo diri halin sa Europa (madamo sa sini amo ang halin sa Espanya, Germany, Italya, kag Poland), Japan, kag iban pa nga lugar.

 Subong, may mga 750,000 ka Saksi ni Jehova sa sobra 11,000 ka kongregasyon sa Brazil. May ara sila sing 800,000 nga ginatun-an sa Biblia. Para may matipunan sila, 31 ka grupo sang mga manugtukod ang nagabulig sa lokal nga mga Saksi sa pagtukod kag pagkay-o sang mga 250 tubtob 300 ka Kingdom Hall kada tuig. Sugod sang Marso 2000, may 3,647 na ka Kingdom Hall ang natapos.

NAHIBALUAN MO BALA?

Mas madamo nga tubig ang nagailig sa suba sang Amazon sangsa bisan ano nga suba kag nagalaba ini sang sobra 6,275 ka kilometro

Makita sa pangpang sang suba sang Amazon ang pinakamalapad nga kagulangan sa bilog nga kalibutan