Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! OKTUBRE 2013

Pagbantay sa Kalibutan

Pagbantay sa Kalibutan

Italya

Sang 2011, mas madamo ang nagbakal sang bisikleta sangsa salakyan sa Italya. Ang pila sa posible nga rason amo ang pag-usmod sang ekonomiya, pagmahal sang gasolina, kag magasto nga pagmentinar sang salakyan. Pero ang bisikleta hapos mentinahon kag gamiton kag kombeniente.

Armenia

Nagdesisyon ang European Court of Human Rights nga ginlapas sang gobierno sang Armenia ang kinamatarong sang 17 ka pamatan-on nga lalaki nga mga Saksi ni Jehova, nga ginpriso kay nangindi sila nga magserbisyo sa publiko sa idalom sang pagdumala sang mga militar. Ginsugo ang gobierno nga bayaran ang halit kag ang gingasto sa kaso sang mga pamatan-on.

Japan

Sesentay tres porsiento sang kabataan nga nabiktima sang krimen maylabot sa mga social networking site ang wala napaandaman sang ila ginikanan sa mahimo nga katalagman sini. Sa 599 ka kaso nga gin-usisa, 74 porsiento sang ginasiling nga naghimo sini nga krimen ang nag-ako nga ang ila katuyuan sa paggamit sini nga mga site amo ang pagpakig-sex sa mga bata.

China

Agod mapahaganhagan ang sobra nga trapik, ginlimitahan sa dalagku nga mga siudad ang pagparehistro sang bag-o nga salakyan. Halimbawa, sa Beijing indi na pagpasobrahan sa 240,000 ang iparehistro nga salakyan kada tuig. Sang Agosto 2012, mga 1,050,000 ka tawo ang nagparehistro sang salakyan para sa 19,926 ka rehistro, buot silingon 1 lang sa kada 53 ka aplikante ang naaprobahan.