Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Magmata!  |  Septiembre 2013

 ANG PAGTAMOD SANG BIBLIA

Pag-sex Antes sang Kasal

Pag-sex Antes sang Kasal

Sala bala ang pag-sex antes sang kasal?

“Kay amo ini ang kabubut-on sang Dios, . . . nga maglikaw kamo sa pagpakighilawas.”—1 Tesalonica 4:3.

ANG GINASILING SANG MGA TAWO

Ginatugutan sa iban nga kultura ang pag-sex sang mga hamtong nga wala makasal. Ginabaton man sa iban nga lugar ang pila ka porma sang seksuwal nga buluhaton sang wala makasal nga mga tin-edyer.

ANG GINASILING SANG BIBLIA

Ginagamit sang Biblia ang tinaga nga “pagpakighilawas” sa pag-sex sa indi nila tiayon. Ginapaabot sang Dios nga ang iya mga sumilimba “maglikaw sa pagpakighilawas.” (1 Tesalonica 4:3) Ginlakip ang pagpakighilawas sa mabug-at nga mga sala, pareho sang pagpakighilahi, espiritismo, pagpahubog, pagsimba sa mga idolo, pagpatay, kag pagpangawat.—1 Corinto 6:9, 10; Bugna 21:8.

NGAA IMPORTANTE INI?

Bangod nagpaandam ang Biblia nga “hukman sang Dios ang mga makihilawason.” (Hebreo 13:4) Ang mas importante nga rason amo nga paagi sa pagsunod sa kasuguan sang Dios parte sa seksuwal nga moralidad, mapamatud-an naton ang aton gugma kay Jehova nga Dios. (1 Juan 5:3) Kag ginapakamaayo niya ang mga nagasunod sa iya mga kasuguan.—Isaias 48:18.

 Sala bala kon ang mga wala makasal maghimo sang bisan ano nga porma sang seksuwal nga buluhaton?

“Ang pagpakighilawas kag ang tanan nga sahi sang kahigkuan ukon kakagod indi gid paghinambitan sa tunga ninyo.”

Efeso 5:3.

ANG GINASILING SANG MGA TAWO

Madamo ang nagapati nga luwas sa pag-sex, wala sing malain sa seksuwal nga buluhaton sang mga wala makasal.

ANG GINASILING SANG BIBLIA

Kon ginabinagbinag sang Biblia ang imoral nga seksuwal nga mga buhat, wala lamang sini ginasambit ang pagpakighilawas, kundi amo man ang seksuwal nga “kahigkuan” kag “lugak nga paggawi.” (2 Corinto 12:21) Maathag nga may mga porma sang seksuwal nga buluhaton nga wala nahamut-an sang Dios kon himuon ini sang indi magtiayon bisan pa wala sing pag-sex.

Ang kabug-usan nga mensahe sang Biblia parte sa sex amo nga ang seksuwal nga buluhaton para lamang sa mga mag-asawa. Ginapakamalaut sang Biblia ang “mahamkunon nga kailigbon sa sekso.” (1 Tesalonica 4:5) Ano ang buot silingon sini? Binagbinaga ang isa ka halimbawa nga mahimo maaplikar sa babayi ukon lalaki: Ang babayi mahimo nga determinado gid nga indi makig-sex sa iya nobyo. Pero, nagahimo sila sang iban nga porma sang seksuwal nga buluhaton. Paagi sa paghimo sini, nagahandum ukon nagapantasya sila sang butang nga indi ila. Gani, maathag nga nakahimo sila sing “mahamkunon nga kailigbon sa sekso” nga ginapakamalaut sang Biblia.—Efeso 5:3-5.

Paano mo malikawan ang seksuwal nga imoralidad?

“Palagyo kamo gikan sa pagpakighilawas.”—1 Corinto 6:18.

NGAA IMPORTANTE INI?

Suno sa Biblia, mahimo madula sang mga nagapakig-sex sa indi nila tiayon ang ila maayo nga kaangtanan sa Dios.—Colosas 3:5, 6.

ANG GINASILING SANG BIBLIA

Ginalaygayan kita sang Biblia nga ‘magpalagyo sa pagpakighilawas.’ (1 Corinto 6:18) Buot silingon dapat magpalayo ang isa sa bisan ano nga mahimo magganyat sa iya sa seksuwal nga imoralidad. (Hulubaton 22:3) Halimbawa, para makapabilin ang isa nga matinlo sa moral dapat niya likawan ang pagpakig-upod sa mga tawo nga wala nagatuman sang mga prinsipio sang Dios parte sa sex. Nagapaandam ang Biblia: “Maglakat upud sa maalam nga mga tawo kag manginmaalam ka, apang ang kaupdanan sang mga buangbuang magaantus.”—Hulubaton 13:20.

Kon pirme naton ginahunahuna ang imoral nga mga butang, mahimo magresulta ini sa seksuwal nga imoralidad. (Roma 8:5, 6) Gani, maalamon nga likawan ang mga musika, video, balasahon, kag ang bisan ano nga nagapakita ukon nagapadaku sang seksuwal nga mga buluhaton nga wala ginakahamut-an sang Dios.—Salmo 101:3.

Magtuon sing Dugang Pa

SABAT SA MGA PAMANGKOT SA BIBLIA

OK Lang Bala nga Mag-live-in Antes sang Kasal?

Hibalua ang ginasiling sang Biblia parte sa gugma, sex, kag pag-live-in.