Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! AGOSTO 2013

Pagbantay sa Kalibutan

Pagbantay sa Kalibutan

Estados Unidos

Kada adlaw, sobra 20 ka soldado anay sang Estados Unidos ang nagahikog. Kada bulan, mga 950 ka beterano nga ginaatipan sang U.S. Department of Veterans Affairs ang nagatilaw nga maghikog.

China

“Halos katunga sang mga babayi nga wala pa 30 anyos nga nagsaylo para mag-obra ang nagabusong na antes makasal, daku ini nga pagbag-o sa kadamuon sang wala makasal nga [Chinese] nga mga iloy kon ikumparar sang nagligad lang nga henerasyon,” report sang China Daily. ‘Mas ginabaton man kuno sang mga Chinese ang paglive-in.’

Gresya

Nagbalik liwat ang malaria sa Gresya, nga halos nadula na kuntani sa pungsod sang 1974. Ang rason sini amo ang pag-usmod sang ekonomiya kag pagbuhin sang badyet para sa ikaayong lawas.

India

Isa ka surbe ang nagapakita nga bisan pa sang mga pagbag-o sa katilingban, 74 porsiento gihapon sang mga ginsurbe ang gusto magpakasal sa ginpatigayon sang ila mga ginikanan sangsa “ila naluyagan.” Mas gusto man sang 89 porsiento sa ila nga magpuyo upod sa ila tapik nga mga pamilya sangsa silahanon lang.

Italya

“Nagluya na ang Iglesia [Katolika] sa manggaranon nga mga pungsod sa Europa kag Amerika. Nagatigulang na ang amon kultura, dalagku ang amon simbahan, wala sing nagakadto sa amon mga kombento kag indi maayo ang pagdumala sa Simbahan, ang amon mga seremonya kag mga sutana pakitakita na lang. . . . Naulihi na ang Simbahan sing 200 ka tuig.”—Interbyu sa Katoliko nga kardinal nga si Carlo Maria Martini, ginbalhag sang Corriere della Sera pagkatapos sia mapatay.