Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! HUNYO 2013

 MGA LUGAR KAG MGA TAWO

Pagbisita sa Panama

Pagbisita sa Panama

ANG Panama kilala tungod sa kanal nga nagaangot sang Dagat Atlantiko kag Pasipiko. Bangod ginaangot sini ang Aminhan kag Bagatnan nga Amerika, ang mga tawo diri lainlain ang rasa kag kultura. Ang kalabanan sa ila may dugo nga European.

NAHIBALUAN MO BALA? Ginasikadsikad sang Panamanian golden frog (Atelopus zeteki) ang iya prante nga tiil para magganyat sing pares kag mapaandaman ang mga iya karibal

Sang 1501, nag-abot ang mga Espanyol nga manuglakbay sa Panama. Nakilala nila ang madamo nga sibilisasyon, nga ang iban ara pa subong. Isa sa sini amo ang Guna (nga gintawag anay nga Kuna). Madamo sang Guna ang nagaistar sa San Blas Archipelago kag sa baybayon sang Caribbean malapit sa dulunan sang Panama kag Colombia. Ang ila palangabuhian diri amo ang pagpangayam, pagtanom,  kag pagpangisda gamit ang baruto nga wala sing katig.

Kon ang lalaki nga Guna mangasawa, maistar sia sa pamilya sang babayi kag mag-obra para sa ila. Sa ulihi kon magbata ang iya asawa sing babayi, mahimo na sila maghalin kag magtukod sang ila kaugalingon nga panimalay.

May mga 300 ka kongregasyon sang mga Saksi ni Jehova sa Panama. Magluwas sa Espanyol, nagahiwat man sila sing miting sa Chinese, Ingles, Gujarati, Guna, Haitian Creole, Ngabere, kag Panamanian Sign Language.