Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Magmata!  |  Abril 2013

 MGA LUGAR KAG MGA TAWO

Pagbisita sa Indonesia

Pagbisita sa Indonesia

ANG Indonesia ginahuman sang 17,000 ka isla. Kilala ang mga tawo diri nga mainabyanon, mapinasensiahon, matinahuron, kag maabiabihon.

Ang kinaandan nga pagkaon sa Indonesia nagalakip sang kan-on, makahang nga mga sud-an, kag prutas. Sa pila ka lugar, tradisyon sang mga pamilya nga maglumpiga sa salog kag magkinamot kon nagakaon. Suno sa ila, mas manamit kuno ang pagkaon kon amo sini ang paagi.

Ang durian mabaho pero manamit nga prutas

Mahiligon ang mga Indonesian sa art, saot, kag musika. Ang anklong amo ang ila kinaandan nga instrumento; ginahuman ini sang nagaidas nga kawayan sa isa ka balayan. Ginaplastar ang mga kawayan para makapagua sang isa ka nota ukon chord kon uyugon ini. Para makatokar, kinahanglan magbuligay ang pila ka tawo paagi sa pag-uyog sang iya anklong sa husto nga tayming.

Ang orangutan—nga makita sa mga kagulangan sang Sumatra kag Borneo—amo ang pinakadaku nga sapat nga nagaistar sa kahoy. Ang adulto nga lalaki nagabug-at sing 90.7 kilos kag ang iya mga kamot nagalaba sing 2.4 metros

Antes sang ika-15 nga siglo C.E., ang Indonesia naimpluwensiahan sang Hinduismo kag dayon sang Budhismo. Sang ika-16 nga siglo, nasamuan sang Islam ang kultura sang Indonesia. Sini man nga siglo nag-abot ang mga taga-Europa para mangita sang mga panakot kag dala nila ang mga relihion sang Cristiandad.

 Ang mga Saksi ni Jehova, nga kilala sa ila hilikuton nga pagtudlo sa Biblia sa bilog nga kalibutan, nangin aktibo sa Indonesia sugod pa sang 1931. Subong, mga 22,000 na sila sa Indonesia kag nagatinguha gid sila nga mawalihan ang mga apa. Sining karon lang, sobra sa 500 ang nagtambong sa espesyal nga miting sa sign-language nga ginhiwat sang mga Saksi ni Jehova para selebrahon ang kamatayon ni Jesucristo.

Ang Magmata! ginabalhag sa 98 ka lenguahe, lakip ang Indonesian (ginatawag man nga Bahasa Indonesia).