Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! MARSO 2013

Pagbantay sa Kalibutan

Pagbantay sa Kalibutan

Bilog nga Kalibutan

Ang kabangdanan sang gutom indi amo ang kakulang sang patubas. Ginabulubanta nga ang mga mangunguma nagapatubas sing bastante nga pagkaon para sa 12 ka bilyon ka tawo. Mas madamo ini sing 5 ka bilyon sangsa populasyon subong. Ang isyu amo ang indi balanse nga ekonomiya, indi alalangay nga pagtunga, kag pag-usik.

Britanya kag Estados Unidos

Halos 24 porsiento sang ginsurbe nga mga propesyonal nga ang obra may labot sa kuarta ang nagapati nga “ayhan kinahanglan nila maghimo sing indi husto ukon ilegal para magmadinalag-on.” Disiseis porsiento ang nag-aku nga handa sila maghimo sing krimen “basta indi lang sila madakpan.”

Argentina

Sa Argentina, 3 sa 5 ka manunudlo ang nagabakasyon sa ila obra bangod sa stress ukon kasingki.

South Korea

Sa indi madugay, ang kalabanan nga tawo sa South Korea magapangabuhi sing isahanon.

China

Ginapatihan nga sobra sa 60 porsiento sang mga siudad sa China ang indi makapasar kon ipatuman sang gobierno ang bag-o nga talaksan sang kalidad sang hangin sa 2016. Dugang pa, ang mga tubig halin sa bubon ukon tasok ginakabig nga “mahigko ukon tama ka higko.”