Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Magmata!  |  Enero 2013

 GINDESINYO BALA INI?

Ang Ikasarang sa Paglakbay sang Bar-Tailed Godwit

Ang Ikasarang sa Paglakbay sang Bar-Tailed Godwit

ANG paglakbay sang bar-tailed godwit makatilingala gid para sa mga tawo. Makalupad ini sing 11,000 ka kilometro sa mga sulusobra walo ka adlaw.

Binagbinaga: Nagapati ang mga researcher nga ginagamit sang pila ka klase sang pispis ang magnetic field sang duta sa ila paglakbay, nga daw may kompas ang ila utok. Luwas sa sini, ang mga godwit posible nga nagabase man sa adlaw kag mga bituon. Mahimo man nga nahibaluan nila kon may nagapadulong nga bagyo kag nagapaayon sila sa hangin sini. Pero asta subong ginapaligban gihapon sang mga eksperto kon paano mahimo sining pispis ang malawig nga paglakbay. “Beinte ka tuig ko na sila nga ginatun-an,” siling sang biologo nga si Bob Gill, “kag asta subong nagakatingala gihapon ako sa sini.”

Ano sa Banta Mo? Ang ikasarang bala sa paglakbay sang bar-tailed godwit resulta sang ebolusyon? Ukon gindesinyo ini?