Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Magmata!  |  Nobiembre 2012

Mahimo Ka Magmadinalag-on!

Mahimo Ka Magmadinalag-on!

“Nalipay gid ako kon gulpi lang ako ginahakos sang akon duha ka bata nga babayi kag magsiling, ‘Love ka gid namon, Ma.’”—ANNA, NAGASOLO NGA ILOY SA POLAND.

“Nanamian gid ako kon makita ko nga ginaapresyar sang akon kabataan ang akon ginahimo para sa ila. Kon kis-a ginaregaluhan nila ako, pareho sang gindrowing nila nga piktyur. Sobra pa ini nga balos sa mga ginahimo ko para sa ila.”—MASSIMO, NAGASOLO NGA AMAY SA ITALYA.

“Kon kaisa nga ginasubuan gid ako, ginahakos ako kag ginahalukan sang isa ko ka bata nga lalaki, kag ginasilingan nga palangga gid niya ako.”—YASMIN, NAGASOLO NGA ILOY SA SOUTH AFRICA.

PILA lang ini sa ginsiling sang mga nagasolo nga ginikanan nga ginsurbe sang Magmata! sa bilog nga kalibutan. Madamo nga nagasolo nga ginikanan, kalabanan babayi, ang nagsiling nga mas maayo kuntani kon may kaupod sila nga isa ka mapinalanggaon nga tiayon. * Pero, makita man sa ila mga sabat nga nabaton na nila ang ila sitwasyon.

Ano ang nakabulig sa mga nagasolo nga ginikanan nga mabaton ang ila sitwasyon kag mangin madinalag-on? Sa masunod nga mga artikulo, binagbinagon naton ang pila sang ila mga ginsiling kag praktikal nga mga panugda, subong man ang mga prinsipio nga nakabulig sa ila. Kon nagasolo ka nga ginikanan, kabay pa nga ini nga mga artikulo makabulig sa imo nga mangin madinalag-on, malipayon, kag kontento bisan pa mabudlay ang imo kahimtangan. Siempre, indi gid ini mahapos sa sining pirme nagabag-o kag wala sing kapat-uran nga kalibutan. *

Hambalan sa masunod nga mga artikulo ang anom ka punto. Kon paano ang mga nagasolo nga ginikanan

  1.   Makapangayo sing bulig sa iban
  2.   Makapakigkomunikar sing maayo sa ila kabataan
  3.   Makahibalo kon ano ang dapat unahon
  4.   Makabutang sing limitasyon
  5.   Makatudlo sing maayo nga pagsulundan sa moral
  6.   Makapangayo sing bulig sa Dios

^ par. 5 Sa bilog nga kalibutan, mga babayi ang kalabanan nga nagasolo nga ginikanan. Amo nga mga babayi ang pirme nga ginasambit sa mga artikulo sini nga serye.

^ par. 6 Madamo sa mga prinsipio nga binagbinagon sa sini nga mga artikulo ang makabulig man sa mga pamilya nga kompleto ang ginikanan.