Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

MAGMATA! NOBIEMBRE 2012

Hibalua Kon Ano ang Dapat Unahon

Hibalua Kon Ano ang Dapat Unahon

Magkaon sing dulungan bisan isa lang ka bes kada adlaw

“Kapoy ako pirme sa pagpamensar kon paano balansehon ang pagtrabaho, pagpadaku sa kabataan, pagsimba, mga ulubrahon sa balay, kag pagpahuway.”—YOKO, JAPAN.

Kabudlayan.

“Ang pinakamabudlay para sa akon,” siling ni Miranda, nga ginsambit sa nagligad nga artikulo, nga may duha ka bata nga lalaki, “amo nga wala ako sing bana kag ako lang ang nagaobra para maaman ang pisikal, mental, emosyonal, kag espirituwal nga kinahanglanon sang amon pamilya.”

Panugda.

Pilia kon ano gid ang importante para sa imo kag sa imo kabataan, kag amo ini ang unaha.

Sunda kon ano ang imo prioridad kag badyeta ang imo tion kag kuarta sing nagakaigo. Halimbawa: Importante ang panglawas sang imo mga bata, gani magbakal sing masustansia nga mga pagkaon. Mas maayo ini sangsa maggasto sa ulihi sa pagpadoktor. Antes magpamalaklon, maghimo sing listahan. Makabulig ini para indi ka makabakal sang mga indi kinahanglanon. “Nanamian ako magluto,” siling ni Roberto, nga taga-Estados Unidos nga may apat ka bata. Nagsiling pa gid sia: “Natun-an ko nga unahon kon ano ang kinahanglanon, indi kon ano ang amon gusto. Kag ang ginauna lang namon amo ang kinahanglanon para sa kada adlaw.”

Magbakal sing masustansia nga mga pagkaon. Mas maayo ini sangsa maggasto sa ulihi sa pagpadoktor

Ipanghatag ukon ibaligya ang mga butang nga wala na ginagamit pareho sang mga libro, bayo, ukon mga gadyet. Ang isa ka nagasolo nga iloy nagsiling: “Ang madamo nga mga butang nagapa-stress. Kon mas madamo ang imo pagkabutang, mas madamo ang imo tinluan, kay-uhon, kag mentinahon. Ang sekreto sa simple nga kabuhi amo ang diutay nga pagkabutang.”

Hanasa ang imo mga bata nga manghimos antes magtulog. Indi pagpabay-i nga nagainukay ang inyo balay. Makabulig ini sa imo mga bata nga mangin responsable sa ila kuarto kag sa inyo balay. Siempre, mas epektibo ang imo pagtudlo kon makita nila nga ginahimo mo ini mismo.

Bisan pa grabe ikaw kasako, dapat mo hatagan sing tion ang imo mga bata. Wala ini nagakahulugan sang malip-ot lang nga tion nga ginatawag quality time, kundi madamo nga tion asta sa masarangan mo. Kinahanglan sang imo mga bata ang imo tion kag atension.—Deuteronomio 6:7.

Magkaon sing dulungan bisan isa lang ka bes kada adlaw, kag himua ini nga masadya. Si Colette nga taga-Pransia, nga may tatlo ka bata nagsiling: “Nagdesisyon kami nga ang panihapon, nga ang tanan ara na sa balay, amo ang tion nga makaistoryahanay kami parte sa amon mga ginabatyag kag espirituwal nga mga butang. Halin sang una asta subong, amo gihapon ini ang espesyal nga tion para sa amon pamilya.”