Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

MAGMATA! DISIEMBRE 2011

 Pamangkot sang mga Pamatan-on

Paano Mangin Masadya ang mga Tinipontipon?

Paano Mangin Masadya ang mga Tinipontipon?

Sa ubos, butangi sing ✔ ang nanamian mo gid sa mga tinipontipon.

  • pagkaon
  • pagsaot
  • paghampang
  • pagpangilala
  • pagkitaay sang mga mag-abyan sang una
  • iban pa ․․․․․

KALABANAN sa mga pamatan-on nanamian gid sa mga tinipontipon, kag wala sing malain sa sina. May mga tinipontipon gani nga ginaugyunan sang Biblia.

Nahibaluan mo bala?

  • Naghiwat sing mga sinalusalo ang mga bata ni Job.—Job 1:4.
  • Nagtambong si Jesus sa punsion sang kasal.—Juan 2:1-11.
  • Ang mga Cristiano sang unang siglo nagatinipontipon sa mga balay sang ila pareho nga Cristiano.—Binuhatan 2:46, 47.

Masadya gid ang pagtinipontipon upod sa mga abyan. Pero, makapasubo nga ang pila ka tinipontipon indi amo sini.

HITABO “Gin-imbitar ako sa isa ka party nga bisan sin-o puede makakadto. Hiwaton ini sa balay sang isa ka tin-edyer nga lalaki nga wala ang iya mga ginikanan. Maayo lang kay wala ako nagkadto! Pagkaaga, nabatian ko nga madamo ang nag-inom kag ang iban nahubog. Tatlo ka tin-edyer nga lalaki ang nalipong sa kahulugbon. May nag-ilinaway man kag nag-abot ang mga pulis para pauntaton ang party.”—Janelle.

LEKSION Indi pag-ibutang ang imo kaugalingon sa alang-alang! Ikaw man ang nagaorganisar sang tinipontipon ukon gin-imbitar ka lang, dapat masabat mo ang mga pamangkot sa masunod nga mga pahina para mag-enjoy ka sa party kag wala ka sing hinulsulan sa ulihi.

 MAAYO NGA DESISYON

“Sang may tinipontipon sa balay sang akon abyan, nahibaluan sang iya nanay kon diin kami tanan. Sang ginkuha ko ang akon dyaket sa salakyan, ginpamangkot niya ako kon diin ako makadto. Suspetsusa na gid bala sia? Posible. Pero OK lang sa akon kay proteksion man ini sa amon.”—Kim.

“May nakadtuan ako nga mga tinipontipon nga kanami gid. Masadya ini, siguro bangod lainlain ang edad sang nagtambong. Isa pa, naplano sing maayo sang nag-imbitar kon ano ang himuon, gani nag-enjoy gid ang tanan.”—Andrea.