May Nagdesinyo Bala Sini?

Ang Suga sang Aninipot

● Sa mga lugar nga mapaang kag kasarangan ang klima, makita ang mga aninipot nga nagasiga-siga para mangganyat sing pares. Talalupangdon nga ang siga sang aninipot mas maayo sangsa siga sang bombilya kag fluorescent nga ginhimo sang tawo. Gani, dumduma ining gamay nga insekto kon mabaton mo na ang inyo masunod nga balayran sa koryente.

Binagbinaga: Sa 100 porsiento nga enerhiya nga ginagamit sang bombilya, 10 porsiento lamang ang nagakadto sa kasanag. Ang 90 porsiento nauyang lang sa init sang bombilya. Mas maayo gawa ang fluorescent kay 90 porsiento sang enerhiya sini ang kasanag. Pero indi matupungan sining duha ka suga ang aninipot. Diutay lang nga ultraviolet rays ang ginapagua sini, amo nga halos 100 porsiento nga enerhiya sini ang kasanag. Gani wala sing mauyang!

Amo ini ang siga sang aninipot bangod sa reaksion sang mga kemikal nga luciferin, luciferase, kag oksiheno. Ang pinasahi nga mga selula nga ginatawag photocytes nagagamit sing luciferase kag oksiheno para mahimo ini nga proseso. Nagaresulta ini sa kasanag nga indi mainit. Ang isa ka eksperto nga si Sandra Mason nagsiling nga ang imbentor sang bombilya nga si Thomas Edison “mahimo nga nahisa gid sa mga aninipot.”

Ano sa banta mo? Natabuan lang bala ang indi mainit nga suga sang aninipot? Ukon may nagdesinyo sini?

[Diagram/Mga Retrato sa pahina 15]

(Para sa aktual nga pormat, tan-awa ang publikasyon)

NAGAMIT NGA ENERHIYA PARA SA KASANAG

Bombilya 10%

Fluorescent 90%

Aninipot 96%

[Picture Credit Lines sa pahina 15]

Firefly on leaf: © E. R. Degginger/Photo Researchers, Inc.; firefly in flight: © Darwin Dale/Photo Researchers, Inc.